LOUKAS 9:12 - Khasi CL Bible (BSI)

¹² Haba ka sngi ka la sdang ban sep, ki khat-ar ngut ki synran ki la wan sha u bad ki la ong, “To phah noh ïa ki paidbah khnang ba ki lah ban leit sha ki nongrit bad sha ki jaka ri jingri kiba don sawdong hangne ban ïoh jingbam bad jaka sahmiet, namar kane ka dei ka jaka kynjah.”

KA BAIBL

¹² Ka sngi te ka la sdang noh; te ki khat-ar ngut ki la wan bad ki la ong ha u, “To pyllait noh ïa u paidbah, ba kin ïoh leit sha ki nongrit bad sha ki ri bri kylleng sawdong, ba kin ïoh thiah basa, bad ba kin ïoh jingbam: naba hangne ngi don ha ka jaka kynjah.”

LOUKAS 9:12 ပူးပေါင်းရင်းမြစ်များ

ESEKIEL 34:25

Ngan pynlong ka jutang bad ki kaba pynskhem ïa ka jingshongshngain jong ki. Ngan beh noh ïa ki mrad kynsha baroh na ka ri, khnang ba ki langbrot jong nga kin im ha ka jingshngain ha ki jaka phlang bad thiah ha ki khlaw.

HOSIA 13:5

Nga la bsa ïa phi ha ka ri ba-tyrkhong, ka ri shyiap.

MATHAÏOS 14:13

Haba U Jisu u la ïohsngew ïa ka khubor shaphang jong u Ïoannis, u la mih nangta da ka lieng bad u la leit sha ka jaka bakynjah marwei hi. Ki briew ki la tip shaphang kata, kumta ki la iehnoh ïa la ki shnong bad ki la ïabud ïa u na ryngkew.

MATHAÏOS 15:23

Hynrei U Jisu um shym ong shikyntien ruh ha ka. Ki synran jong u ki la wan ha u bad ki la kyrpad ïa u, “To phah noh ïa ka! Ka wan bud ïa ngi bad ka pynlong ïa kane ka jingkhynwin baroh!”

MATHAÏOS 15:32

U Jisu u la khot ïa la ki synran sha lade bad u la ong, “Nga isynei ïa kine ki briew, namar ki la ïadon bad nga la lai sngi bad mynta kim don ei ei ban bam. Ngam kwah ban phah noh ïa ki khlem da bsa ïa ki, naba ki lah ban ïapler ha ka lynti jong ki sha la ïing.”

LOUKAS 9:11

Haba ki paidbah ki la ïohsngew shaphang kata, ki la bud ïa u. U la pdiang sngewbha ïa ki, u la kren ha ki shaphang ka Hima U Blei, bad u la pynkhiah ïa kito kiba donkam ïa ka.

LOUKAS 9:13

Hynrei U Jisu u la ong ha ki, “Ma phi hi to ai ei ei ha ki ba kin bam.” Ki la jubab, “Baroh kaba ngi don ki long san tylli ki kpu bad ar tylli ki dohkha. Hato phi kwah ïa ngi ban leit bad thied jingbam na ka bynta une u paidbah?”

ÏOANNIS 6:1

Hadien kane, U Jisu u la leit sha shiliang ka duriaw Galilaïa (ïa kaba ju la khot ruh, ka duriaw Tiberias).

PHILIPPI 1:19

Bad ngan ïailong uba kmen, namar nga tip ba da ki jingduwai jong phi bad da ka jingïarap kaba wan na U Mynsiem jong U Jisu Khrist, ïa nga yn sa pyllaitluid.