LOUKAS 8:6 - Khasi CL Bible (BSI)

⁶ Katto katne na u symbai ki la hap ha ka jaka maw, bad haba ki jingthung ki la shylluit, ki la tyrkhong noh namar ka khyndew kam don kano kano ka jingsngem.

KA BAIBL

⁶ Uwei pat ruh, u la hap halor u mawsiang; te haba u dang shu mih, u la ïap ryngkhiang, naba um ïoh jingsngem.

LOUKAS 8:6 ပူးပေါင်းရင်းမြစ်များ

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

ESEKIEL 11:19

Ngan ai ha ki ka dohnud bathymmai bad ka jingmut bathymmai. Ngan shim noh ïa ka dohnud maw ba-mutlop bad ngan ai ha ki ka dohnud bakohnguh.

ESEKIEL 36:26

Ngan ai ha phi ïa ka dohnud kaba thymmai bad ïa ka jingmut kaba thymmai. Ngan khlaw noh na phi ïa ka dohnud maw ba-eh rang jong phi, bad ngan ai ha phi ka dohnud kaba kohnguh.

AMOS 6:12

Hato ki kulai ki ju mareh halor ki mawsiang? Hato ki briew ki ju lur ïa ka duriaw da ki masi dab? Pynban phi la pynkylla ïa ka jingbishar hok sha ka bih, bad ïa kaba dei sha ka bymdei.

LOUKAS 8:13

Ki symbai kiba hap halor ka jaka maw ki ïeng na ka bynta kito kiba ïohsngew ïa ka khubor bad kiba pdiang ïa ka da kaba kmen. Hynrei kam shym ngam jylliew hapoh jong ki; ki ngeit tang shipor hynrei haba ka por jingtynjuh ka wan poi, ki hap noh.

LOUKAS 8:5

“Shisien la don u briew uba la leit ban bet symbai. Katba u dang bet ïa u symbai, katto katne na u, ki la hap ha shi lynter ka lynti ïaid kjat, ha kaba ki la shah ïuh, bad ki sim ki la bam lut.

LOUKAS 8:7

Katto katne na u symbai ki la hap hapdeng ki bniap shiah, kiba la san ryngkat bad ki jingthung bad ki la kjap ïa ki.

HEBRU 3:15

Kane ka long kaei ba ka Jingthoh Bakhuid ka ong: “Lada phi ïohsngew ïa ka sur jong U Blei ha kane ka sngi, wat pyneh ïa la ki dohnud, kumba ki kpa tymmen jong phi ki la long haba ki ïaleh pyrshah ïa U Blei.”