LOUKAS 8:52 - Khasi CL Bible (BSI)

⁵² Baroh kiba don hangta ki la ïam bad ïam sngewsih na ka bynta ka khynnah. U Jisu u la ong, “Wat ïam; ka khynnah kam shym ïap — ka shu ïohthiah!”

KA BAIBL

⁵² Baroh te ki la ïaïam, bad ki la ïalynñiar lympat ïa lade namar jong ka. Hynrei, U la ong, “Wat ïam; namar kam shym la ïap, hynrei, ka shu ïohthiah.”

LOUKAS 8:52 ပူးပေါင်းရင်းမြစ်များ

JENESIS 23:2

Ka la ïap ha Hebron ha ka ri Kanaan, bad u Abraham u ïam sngewsih namar jong ka.

2 SAMUEL 18:33

Te u syiem u la shah tyllep da ka sngewsih. U leit kiew sha ka kamra kaba halor kata ka khyrdop, bad u la ïam. Katba u dang leit, u la kyang, “A, ko khun jong nga! Ko khun jong nga, ko Absalom! Ko Absalom, u khun jong nga! Lada ngan da la ïap ha ka jaka jong phi, ko khun jong nga! Ko Absalom, ko khun jong nga!”

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

MATHAÏOS 11:17

‘Ngi la tem ka jingrwai shongkurim na ka bynta jong phi, hynrei phim shym la shad! Ngi la rwai ïa ki jingrwai ïapbriew, hynrei phim shym la ïam!’

LOUKAS 23:27

U paidbah babun u la bud ïa u; hapdeng jong ki, la don katto katne ngut ki kynthei kiba la ïam bad ïam sngewsih na ka bynta jong u.

LOUKAS 23:48

Haba ki paidbah kiba la ïalumlang hangta ban khmih ïa kata baroh, ki la ïohi kaei kaba la jia, baroh ki la ïaleit phai sha ïing, ki da tied ïa la ki shadem ha ka jingsngewsih.

LOUKAS 8:51

Haba u la poi ha ïing, um shym shah ïano ïano ban rung shapoh bad u lait noh u Petros, u Ïoannis bad u Jakob, bad u kpa bad ka kmie jong ka khynnah.

LOUKAS 8:53

Baroh ki la rkhie ïa u, namar ki la tip ba ka la ïap.

ÏOANNIS 11:4

Haba U Jisu u la ïohsngew ïa kata, u la ong, “Kaba kut jong kane ka jingpang kan ym dei ka jingïap jong u Lasaros; kane ka la jia khnang ban wallam ka burom ïa U Blei, bad kan long ka lad ha kaba U Khun U Blei un ïohpdiang ïa ka burom.”