LOUKAS 8:47 - Khasi CL Bible (BSI)

⁴⁷ Kata ka kynthei ka la ïohi ba la lap ïa ka, kumta ka la wan da kaba khynñiuh bad ka dem khrup ha ki kjat jong U Jisu. Hangta ha khmat jong uwei pa uwei baroh, ka la ïathuh ïa u balei ba ka la ktah ïa u bad kumno ba la pynkhiah ïa ka shisyndon.

KA BAIBL

⁴⁷ Kata ka briew te haba ka la ïohi ba kam lah rieh shuh, da kaba khynñiuh ka la wan, bad haba ka la dem khrup ha khmat jong U, ka la ïathuh ha U ha khmat uta u paidlang baroh, na ka balei ba ka la lah ktah ïa U, bad kumno ba la lah pynkhiah ïa ka kumta kumta hi.

LOUKAS 8:47 ပူးပေါင်းရင်းမြစ်များ

SALM 2:11

Shakri ïa U Trai da ka jingsheptieng;

SALM 38:9

A Trai, me tip ïa kaei kaba nga thrang eh, me ïohsngew ïa ki jingud jong nga baroh.

SALM 66:16

To wan bad to shahshkor, phi baroh kiba pyndonburom ïa U Blei, bad ngan ïathuh ïa phi ïa kaei kaba u la leh namar jong nga.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

HOSIA 13:1

Ha ki por mynshuwa, haba ka jait Ephraim ka la kren, kiwei pat ki jait Israel ki la sheptieng; ki peit sha u Ephraim. Hynrei ki briew ki la leh pop da kaba mane ïa u Baal, bad na ka bynta kane kin sa ïap.

HOSIA 5:3

Nga tip ka Israel ka long kumno — kam lah ban rieh na nga. Ka la long ka bymïaineh, bad ki briew jong ka kim long kiba bit ban mane ïa nga.”

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

MATHAÏOS 28:8

Kumta ki la mihnoh ha ka jingkyrkieh na ka jingtep, da ka jingsheptieng bad pynban kiba la pyndap da ka jingkmen, bad ki la mareh ban ïathuh ha ki synran jong u.

MARKOS 5:33

Kata ka briew ka la sngewthuh ïa kaei kaba la jia ïa ka, kumta ka la wan, ka da kyiuh da ka jingsheptieng, ka la dem khohsiew ha ki kjat jong u, bad ka la ïathuh ha u ïa ka jingshisha baroh.

LOUKAS 8:46

Hynrei U Jisu u la ong, “Don mano mano ba la ktah ïa nga, naba nga tip ïa ka mynba ka bor ka la mihnoh na nga.”

LOUKAS 8:48

U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk.”

KI KAM 16:29

U nongpeit phatok u la pan ïa ka jingshai, u la rung shapoh, bad u la dem da kaba khynñiuh ha ki kjat jong u Paul bad u Silas.

1 KORINTH 2:3

Kumta haba nga la wan sha phi, nga la long uba tlot bad uba kyiuh baroh shi rynïeng da ka jingsheptieng, bad ïa ka jinghikai bad ka khubor jong nga ym shym la pynïoh da ki ktien batbit jong ka jingstad briew, hynrei da ka jingpynshisha baskhem jong ka bor U Mynsiem U Blei.

2 KORINTH 7:15

Bad kumta ka jingieit jong u ïa phi ka nang khraw, kumba u kynmaw kumno phi baroh phi la kloi ban kohnguh ïa ki jingbthah jong u, kumno phi la pdiang sngewbha ïa u da ka jingsheptieng bad ka jingkyiuh.

PHILIPPI 2:12

Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi,

HEBRU 12:28

Te, to ngin long kiba sngewnguh, namar ngi ïohpdiang ïa ka hima ka bymlah pynkhih. To ngin long kiba sngewnguh bad mane ïa U Blei ha ka rukom ka ban pynsngewbha ïa u, da ka jingsngew burom bad ka jingtiengburom;

1 SAMUEL 16:4

U Samuel u leh ïa kaei kaba U Trai u la ong ha u ban leh bad u leit sha Bethlehem, ha kaba ki nongïalam jong kata ka nongbah ki wan da kaba kyiuh ban ïakynduh ïa u bad ki kylli, “Hato kane ka long ka jingwan jngoh ha ka jingsuk, ko nongïohipaw?”