LOUKAS 8:43 - Khasi CL Bible (BSI)

⁴³ Napdeng jong ki la don ka kynthei kaba la shitom na ka jingpang mihsnam kaba jur la khat-ar snem; ka la pynlut ïa baroh kaba ka don ha ki nongsumar, hynrei ym don mano mano ba lah ban pynkhiah ïa ka.

KA BAIBL

⁴³ Ka briew ruh kaba don ka jingpang mihsnam la khat-ar snem, kaba la lah pynlut ruh ha ki nongpynkhiah ïa la ka jingïoh baroh, hynrei, kam lah ïoh jingkoit nano nano ruh,

LOUKAS 8:43 ပူးပေါင်းရင်းမြစ်များ

2 KHRONIKL 16:12

Ha ka snem kaba laiphew khyndai ba u Asa u long syiem, u la dkoh na ka jingpang kjat kaba jur; wat la katta ruh um shym la phai sha U Trai na ka bynta ka jingïarap, hynrei sha ki nongpynkhiah.

Ka Kitab U Job 13:4

Me tap ïa ka jingbymtip jong me da ka jingshukor; Me long kum ki doktor ki bym lah ban pynkoit ïano ïano.

SALM 108:12

To ïarap ïa ngi pyrshah ïa u nongshun; ka jingïarap ba kynja briew kam don jingmyntoi.

ISAÏAH 2:22

Wat buh jingshaniah shuh ha ki briew ki bym lah ban im junom. Ki dondor haduh katno?

MARKOS 12:44

Naba kiwei ki la pynnoh ïa kaei kaba tam na ka spah jong ki; hynrei ma ka, ha ka jingduk jong ka, ka la pynnoh ïa baroh kaba ka don — ka la ai ïa baroh kaba kyrshan ïa ka jingim jong ka.”

MARKOS 9:18

Haba u mynsiem u tur ïaleh ïa u, u bret ïa u sha madan, bad u sei tyrtho ha ka shyntur, u kyr-iat ki bniat, bad u eh tnen baroh shi rynïeng. Nga la ong ïa ki synran jong me ban beh noh ïa u mynsiem bymkhuid, hynrei kim shym la lah.”

LOUKAS 13:11

Kawei ka briew hangta ka la don u mynsiem bymman uba la pynlong ïa ka ban shitom haduh khatphra snem; ka la kdor ryngkdung bad kam lah ban pynbeit shuh.

LOUKAS 13:16

Mynta hangne, kane ka briew kaba hiarpateng na u Abraham ïa kaba u Soitan u la khum la khatphra snem; hato ym dei ban pyllait ïa ka ha ka sngi Sabbaton?”

LOUKAS 8:27

Katba U Jisu u dang hiar harud duriaw, la wan ïashem ïa u da u briew na ka shnong uba shongksuid. La slem bah une u briew u la leit khlem phong jaiñ bad um mon ban shong ha ïing, hynrei u la pynlut ïa la ka por ha ki krem jingtep.

LOUKAS 8:42

namar ka khun marwei jong u, kaba la khat-ar snem ka rta, ka la jan ïap. Katba U Jisu u dang ïaid, ki briew ki la ïalum sawdong ïa u na ki liang baroh.

LOUKAS 8:44

Ka la wan ha u paidbah na shadien jong U Jisu bad ka la ktah ïa ka tduh ka jaiñkup jong u, bad ka jingmihsnam jong ka, ka la sangeh shisyndon.

ÏOANNIS 9:1

Katba U Jisu u dang ïaid artat, u la ïohi ïa u briew ïa uba la kha matlah.

ÏOANNIS 9:21

Hynrei ngim tip kumno pat ba mynta u la ïoh imat, lymne ngim tip mano ba la pynkoit ïa u na ka jingmatlah jong u. Kylli ïa u; u la biang ka rta, bad u lah ban jubab da lade hi!”

KI KAM 3:2

Hangta ha ka Khyrdop Ba-itynnat, kumba la ju khot ïa ka, la don u briew uba la dkoh baroh shi jingim. Man ka sngi la ju bah ïa u sha ka khyrdop ban khrong pisa na ki briew kiba leit shapoh ka Templ.

KI KAM 4:22

U briew ha kaba la leh ïa kane ka kambah ka jingpynkhiah u la palat sawphew snem ka rta.