LOUKAS 8:41 - Khasi CL Bible (BSI)

⁴¹ Te u briew uba kyrteng u Jairos u la wan poi; u la long u rangbah synshar ha ka synagog kaba ha kata ka shnong. U la dem khrup ha ki kjat jong U Jisu bad u la kyrpad ïa u ban leit sha ïing jong u,

KA BAIBL

⁴¹ Ha khmih ruh, u la wan u briew uba kyrteng “u Jairos”, bad uba long u nongsynshar jong ka synagog; te u la dem ha ki kjat U Jisu, bad u la kyrpad ïa U ban wan sha ïing jong u:

LOUKAS 8:41 ပူးပေါင်းရင်းမြစ်များ

LOUKAS 13:14

U rangbah synshar jong ka synagog u la bitar ba U Jisu u la pynkhiah ha ka sngi Sabbaton, kumta u la kren bad u la ong ha u paidbah, “Don hynriew sngi ha kaba ngi dei ban trei; kumta to wan ha kito ki sngi bad ban ïoh jingpynkhiah, hynrei ym ha ka sngi Sabbaton!”

LOUKAS 17:16

U la dem khrup ïa lade ha khyndew ha ki kjat jong U Jisu bad u la ainguh ïa u. Uta u briew u dei u nong Samaria.

LOUKAS 5:8

Haba u Simon Petros u la ïohi ïa kaei kaba lah jia, u la dem khohsiew ha khmat U Jisu bad u la ong, “Khie leit noh na nga, ko Trai! Nga long u briew uba pop!”

LOUKAS 8:42

namar ka khun marwei jong u, kaba la khat-ar snem ka rta, ka la jan ïap. Katba U Jisu u dang ïaid, ki briew ki la ïalum sawdong ïa u na ki liang baroh.

LOUKAS 8:49

Katba U Jisu u dang kren ïa kane, u nonglamktien u la wan na ka ïing u rangbah synshar. “Ka khun jong me ka la ïap,” u la ong ha u Jairos; “wat pynshitom shuh ïa u nonghikai.”

ÏOANNIS 11:21

Ka Martha ka la ong ïa U Jisu, “Lada men jin da la don hangne, ko Trai, u para jong nga un ym jin da la ïap!

KI KAM 13:15

Hadien ka jingpule na ka Hukum u Moses bad na ki jingthoh jong ki nongïathuhlypa, ki rangbah synshar jong ka synagog ki la phah khubor sha ki: “Ko hynmen ko para, ngi kwah ïa phi ban kren ha u paidbah lada phi don ka khubor ai mynsiem na ka bynta jong ki.”

KI KAM 18:17

Ki baroh ki la kem ïa u Sosthenes, uta u nongïalam jong ka synagog, bad ki la shoh ïa u ha khmat jong ka ïingbishar. Hynrei kata kam shym pynsalia wat khyndiat ruh ïa u Gallio.

KI KAM 18:8

U Krispos, uba long u nongïalam jong ka synagog, u la ngeit ha U Trai, lem bad ka longïing jong u baroh; bad kiba bun kiwei pat ki briew ha Korinth ki la ïohsngew ïa ka khubor, ki la ngeit, bad la pynbaptis ïa ki.

KI KAM 9:38

Ka Joppa kam shym da jngai na Lydda, bad haba ki parabangeit ha Joppa ki la ïohsngew ba u Petros u la don ha Lydda, ki la phah ar ngut ki rangbah sha u lem bad ka khubor, “To pynkloi bad wan sha ngi.”

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.