LOUKAS 8:32 - Khasi CL Bible (BSI)

³² Hangta hajan, la don ka kynhun bah ki sniang, kiba ïabam jingbam ha ki sharing lum. Kumta ki ksuid ki la kyrpad ïa U Jisu ban shah ïa ki ban rung shapoh ki sniang, bad u la shah ïa ki.

KA BAIBL

³² Hynrei, la don hangta shi kynhun bah ki sniang kiba ïabam phlang halor lum, te ki la ïakyrpad ïa U ba un shah ïa ki ban leit rung hapoh kita. Te U la shah ïa ki.

LOUKAS 8:32 ပူးပေါင်းရင်းမြစ်များ

1 SYIEM 22:22

‘Kumno?’ U Trai u kylli. U mynsiem u jubab, ‘Ngan leit bad pynlong ïa baroh ki nongïathuhlypa u Ahab ban kren lamler. U Trai u ong, leit bad shukor ïa u. Phin sa jop.’ ”

Ka Kitab U Job 1:10

Me la ïada ïa u borabor bad ïa ka longïing jong u bad kiei kiei baroh kiba u don. Me la kyrkhu ïa baroh kiba u leh, bad me la ai ha u shibun ki masi ban pyndap ha baroh ka ri.

Ka Kitab U Job 1:12

“Kam pher,” U Trai u ong ïa u Soitan, “baroh kaba u don ki long hapoh ka bor jong me, hynrei men ym pynmong ïa u Job hi.” Te u Soitan u la leit noh.

Ka Kitab U Job 2:6

Kumta U Trai u ong ha u Soitan, “Kam pher, ai un long hapoh ka bor jong me, hynrei men ym shim ïa ka jingim jong u.”

SALM 62:11

Bunsien nga la ïohsngew ba U Blei u ong ba ka bor ka dei ka jong u

ISAÏAH 65:4

Ha ka por mynmiet ki leit sha ki krem bad sha ki jaka tep ban ïasyllok bad ki mynsiem jong kiba ïap. Ki bam doh sniang bad ki dih ïa ka syrwa ba la shet da ka doh ba la ai jingkñia sha ki blei thala.

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

LEBITIKOS 11:7

Wat bam ïa ki sniang. Dei ban ñiew ïa ki ba ki long ki bymkhuid; ki pait khnap, hynrei kim ktha ar sien.

MATHAÏOS 7:6

“Wat ai ïa kaei kaba khuid ha ki ksew — kin shu phai pynban bad tur ban dait ïa phi. Wat bret ïa ki mawlynnai ha khmat ki sniang — kin shu ïuh pynban ïa ki hapoh ka kjat.

LOUKAS 8:31

Ki ksuid ki la kyrpad ïa U Jisu ban ym phah ïa ki sha ka 'liewlong khlem trai.

LOUKAS 8:33

Ki la mihnoh na uta u briew bad ki la rung shapoh ki sniang. Ka kynhun ki sniang baroh ka la noh sha riat shapoh ka duriaw bad ki la ïap jyllop.

ÏOANNIS 19:11

U Jisu u la jubab, “Me don ka bor halor jong nga tang namar ba la ai ha me da U Blei. Kumta u briew uba aiti noh ïa nga ha me u long uba la rem na ka pop kaba kham khraw.”

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

JINGPYNPAW 20:7

Hadien ba ki shihajar snem ki la kut, yn pyllait ïa u Soitan na ka byndi jong u,