LOUKAS 8:3 - Khasi CL Bible (BSI)

³ Ka Ïoanna, uba u Khusa u tnga jong ka u long u rangbah pynïaidkam ha ka ïingbishar jong u Herod; bad ka Susanna, bad bun kiwei pat ki kynthei kiba la pyndonkam ïa la ki jong ki jingïoh ban ïarap ïa U Jisu bad ïa ki synran jong u.

KA BAIBL

³ bad ka Ïoanna ka tnga u Khusa, u rangbah u Herod, bad ka Susanna, bad shibun kiwei kiwei ruh, kiba la ju ïasumar sukher ïa u na ki jingdon jong ki.

LOUKAS 8:3 ပူးပေါင်းရင်းမြစ်များ

1 KHRONIKL 29:14

“Pynban ki briew jong nga bad ma nga ngim lah shisha ban ai ei ei ïa me, namar kaei kaei baroh ka dei ka jingai sngewbha jong me, bad ngi la ai biang sha me ïa kaei kaba dei ka jong me hi.

ISAÏAH 23:18

Ïa ka pisa kaba ka kamai da ka jingkhaïi pateng, yn pynkyntang sha U Trai. Pynban kan ym buh tyngkai, hynrei kito kiba mane ïa U Trai, kin pyndonkam ïa ka pisa jong ka ban thied jingbam bad ki jaiñ ki nep kiba ki donkam.

MATHAÏOS 14:1

Ha kata ka por, u Herod, u nongsynshar jong ka Galilaïa, u la ïohsngew shaphang U Jisu.

MATHAÏOS 14:3

Naba u Herod u la lah hukum mynshuwa ban kem ïa u Ïoannis, bad u la phah teh kynjri bad set byndi ïa u. U la leh ïa kane namar ka Herodias, ka tnga jong u Philip u para jong u.

MATHAÏOS 14:6

Ha ka sngi kha jong u Herod, ka khun jong ka Herodias, ka la shad ha khmat jong ka kynhun baroh kawei.

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

MATHAÏOS 20:8

“Haba ka janmiet ka la poi, u trai u la bthah ïa la u sordar, ‘To khot ïa ki nongtrei bad siew ïa ka bainong jong ki, sdang na kito kiba la shah khot bylla khatduh bad pynkut ha kito kiba la shah khot bylla nyngkong.’

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 26:11

Phin ïai ïoh ïa ki briew kiba duk lem bad phi, hynrei phin ym ïoh ïa nga borabor.

MATHAÏOS 27:55

La don katto katne ngut ki kynthei hangta, kiba la ïakhmih na pajih, kiba la ïabud ïa U Jisu na Galilaïa bad kiba la ïarap ïa u.

LOUKAS 24:10

Kita ki kynthei ki la long ka Mari ka nong Magdala, ka Ïoanna, bad ka Mari ka kmie jong u Jakob; ma ki lem bad kiwei pat ki kynthei kiba bad ki, ki la ïathuh ïa kine kiei kiei baroh ha ki apostol.

ÏOANNIS 12:6

U la ong ïa kane, ym namar ba u da sngewkhia ïa kiba duk, hynrei namar ba u la long u nongtuh. U bat ïa ka pla pisa bad uba la ju shim na ka ban pyndonkam ïa lade.

KI KAM 13:1

Ha ka balang ha Antiokh la don katto katne ngut ki nongïathuhlypa bad ki nonghikai: U Barnabas, u Simeon (ïa uba la khot u Niger), u Lukios (na Kyrini) bad u Manaen (ïa uba la pynsan pynrangbah bad u Herod Antipas uba long u lyngskor) bad u Saul.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

PHILIPPI 4:22

Baroh ki briew U Blei hangne ki phah ïa ki jingai khublei, khamtam kito kiba na ka ïingsyiem jong u Patsha.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.