LOUKAS 8:25 - Khasi CL Bible (BSI)

²⁵ Nangta u la ong ha ki synran jong u, “Hangno ka jingngeit jong phi?” Hynrei ki la sngewlyngngoh bad sheptieng, bad ki la ong uwei ïa uwei pat, “Une u briew uba kumno? U ai hukum ïa ki lyer bad ïa ki jingat phyllung, bad ki kohnguh ïa u!”

KA BAIBL

²⁵ U la ong te ha ki, “Hangno ka jingngeit jong phi?” Te ba ki la sheptieng ki la sngewphylla, ki da ïa-ong paralok hi, “Une u long uei shisha, ba u hukum kat ïa ki lyer bad ïa ka um, bad ki kohnguh ïa u?”

LOUKAS 8:25 ပူးပေါင်းရင်းမြစ်များ

PROBERB 30:4

Uei uba la ju long kynrad ïa ka jingtip ba kynja bneng? Uei uba la ju kham ïa ka lyer ha la ka kti? Lane uba la tehsong ïa ka um ha ka jaiñ lyngkhot? Lane uba la pynskhem ïa ki pud jong ka pyrthei? U dei uei lada phi tip? Uei u khun jong u?

PROBERB 8:29

bad pynbeit ïa ki um ka duriaw ba kin ym kiew palat ban ïa kaba u la ong. Nga la don hangta mynba u buh ïa ki nongrim ka pyrthei.

MATHAÏOS 14:31

Shisyndon U Jisu u la kner bad u la batskhem ïa u bad U la ong, “Katno kaba rit ka jingngeit me don! Balei ba me artatien?”

MATHAÏOS 17:20

“Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

MATHAÏOS 6:30

U long U Blei uba pynkup ïa u phlang khlaw — u phlang uba don hangne mynta bad u bym don shuh lashai, uba la thang duh ha ka lawar ding. Hato un ym da la kham leh thikna ban pynkup jaiñ ïa phi? Katno kaba rit ka jingngeit phi don!

MATHAÏOS 8:10

Haba U Jisu u la ïohsngew ïa kane, u la lyngngoh bad u la ong ha ki briew kiba bud ïa u, “Nga ong ha phi, ngam pat ju shem ïano ïano ha Israel lem bad ka jingngeit kaba kum kane.

MATHAÏOS 8:26

“Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

MARKOS 4:35

Ha ka janmiet jong kata kajuh ka sngi, U Jisu u la ong ha ki synran jong u, “To ngin ïaleit sha shiliang jong ka duriaw.”

LOUKAS 12:28

U long U Blei uba pynkup ïa u phlang khlaw — u phlang uba don hangne mynta bad uba jah noh la shai, ïa uba la thang noh ha ka lawar ding. Hato Un ym jin da la thikna ban pynkup jaiñ ïa phi? A katno kaba rit ka jingngeit phi don!

LOUKAS 8:24

Ki synran ki la leit sha U Jisu bad ki la kyrsiew ïa u, da kaba ong, “Kynrad, Kynrad! Ngi la jan ïap!” U Jisu u la khie joit bad u la hukum ïa ka lyer bad ïa ka um ba khie 'erïong; ki la sangeh bad ka la don ka jingjai jai kaba khraw.

LOUKAS 8:26

U Jisu bad la ki synran ki la leit da ka lieng sha ka thain Gadara, kaba don sha shiliang jong ka duriaw Galilaïa.

ÏOANNIS 11:40

U Jisu u la ong ha ka, “Hato ngam shym la ïathuh ïa pha ba phan sa ïohi ïa ka burom U Blei lada pha ngeit?”