LOUKAS 8:23 - Khasi CL Bible (BSI)

²³ Katba ki dang leit ha ka lieng, U Jisu u la ïohthiah. Kynsan ka lyer kaba jur ka la beh halor ka duriaw, bad ka lieng ka la sdang ban dap da ka um, ba kumta baroh ki la don ha ka jingma kaba khraw.

KA BAIBL

²³ Hynrei, katba ki nang pynïaid lieng, u la ïohthiah: te ka 'erïong ka la hiar ha kata ka pung, bad ka lieng ka nang dap nang dap da ka um, bad sa ba kin ïap.

LOUKAS 8:23 ပူးပေါင်းရင်းမြစ်များ

SALM 148:8

phi ka leilieh bad u phria, ka ïor bad ki lyoh, ki lyer bakhlaiñ kiba kohnguh ïa ka hukum jong u.

SALM 44:23

To khie noh, A Trai! Balei ba me ïohthiah? To kyndit noh! Wat kyntait ïa ngi junom!

ISAÏAH 54:11

U Trai u ong, “Ko ka Jerusalem, pha ka nongbah ba shah jynjar bad bymdonbor, bad ym don u ban pyntngen ïa pha, ngan tei pat ïa ki nongrim jong pha da ki mawkordor.

LOUKAS 5:1

Ha kawei ka sngi, U Jisu u la ïeng harud jong ka duriaw Gennesaret katba ki briew ki dang ïawan kiew sha u ban shahshkor ïa ka ktien jong U Blei.

LOUKAS 8:22

Ha kawei ka sngi, U Jisu u la kiew halor ka lieng lem bad ki synran jong u bad u la ong ha ki, “Ïa ngin leit sha shiliang sha kawei pat ka liang jong ka duriaw.” Kumta ki la ïaleit.

KI KAM 27:2

Ngi la kiew da ka lieng na Adramyttion kaba la khreh ban leit sha ki kadlieng jong ka probins jong ka Asia, bad ngi la leit. U Aristarkhos, u nong Makedonia uba na Thessaloni, u la don lem bad ngi.

1 KORINTH 15:30

Bad na ka bynta jong ngi — balei ma ngi ngin kheiñduh ïa lade man la ka kynta?

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.