LOUKAS 8:21 - Khasi CL Bible (BSI)

²¹ U Jisu u la ong ha ki baroh, “Ka kmie bad ki para shynrang jong nga ki long kito kiba ïohsngew ïa ka ktien U Blei bad kiba kohnguh ïa ka.”

KA BAIBL

²¹ Hynrei, u la ïathuh bad u ong ha ki, “Ka kmie jong nga bad ki hynmen hynbew jong nga ki long kine kiba ïohsngew ïa ka ktien ka jong U Blei, bad kiba leh ïa ka.”

LOUKAS 8:21 ပူးပေါင်းရင်းမြစ်များ

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 25:45

U Syiem un jubab, ‘Nga ong ha phi, ha man ba phi kyntait ban ïarap ïa iwei na kine kiba rit tam, phi kyntait ban ïarap ïa nga.’

MATHAÏOS 28:10

“Wat sheptieng,” U Jisu u la ong ha ki. “Khie leit bad ïathuh ïa ki para jong nga ban leit sha Galilaïa bad hangta kin ïohi ïa nga.”

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

LOUKAS 8:20

Don uwei uba la ong ha U Jisu, “Ka kmie bad ki para shynrang jong me ki ïeng shabar bad ki kwah ban ïohi ïa me.”

ÏOANNIS 13:17

Mynta ba phi tip ïa kane ka jingshisha, katno kiba kmen phin long lada phi pyntreikam ïa ka!

ÏOANNIS 20:17

“Wat ktah ïa nga,” U Jisu u la ong ha ka, “namar ngam pat shym la leit kiew sha U Kpa. Hynrei khie leit sha ki para jong nga bad ïathuh ïa ki ba ngan leit phai sha u, uba long U Kpa jong nga bad U Kpa jong ki, U Blei jong nga bad U Blei jong ki.”

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.

2 KORINTH 6:18

Ngan long U Kpa jong phi, bad phin long ki khun shynrang bad ki khun kynthei jong nga, ong U Trai Badonbor Baroh.”

JAKOB 1:22

Wat shukor ïa lade tang da kaba sngap ïa ka ktien jong u; pynban, to pyntreikam ïa ka.

1 ÏOANNIS 2:29

Phi tip ba U Khrist u long uba hok; phi dei ban tip, namarkata, ba uei uei baroh uba leh ïa kaei kaba dei u long u khun U Blei.

3 ÏOANNIS 1:11

Ko paralok ba-ieit jong nga, to wat pyrthuh bud ïa kaei kaba sniew, hynrei to pyrthuh bud ïa kaei kaba bha. Uno uno uba leh ïa kaba bha u long u jong U Blei; uno uno uba leh ïa kaei kaba sniew um pat shym la ïohi ïa U Blei.