LOUKAS 8:2 - Khasi CL Bible (BSI)

² bad kumta ruh katto katne ngut ki kynthei kiba la ïohkhiah na ki mynsiem bymman bad ki jingpang: Ka Mari (kaba la khot, ka nong Magdala), na ka ba la beh noh ïa ki hynñiew ki ksuid;

KA BAIBL

² bad ki kynthei ruh ïa kiba la pynkhiah na ki mynsiem bymman bad na ki jingkhrew, ka Mari, ïa kaba la khot “ka nong Magdala”, na kaba la lah mih noh hynñiew ki ksuid,

LOUKAS 8:2 ပူးပေါင်းရင်းမြစ်များ

MATHAÏOS 4:24

Ka khubor shaphang jong u ka la phriang kylleng ka ri Syria baroh kawei, ba ki briew ki la wallam ha u ïa baroh kito kiba pang, kiba shahshitom na ki jingpang babun jait, bad kiba pang bhur, bad kiba ïapshiliang — bad U Jisu u la pynkhiah ïa ki baroh.

MARKOS 16:1

Hadien ba ka sngi Sabbaton ka la kut, ka Mari ka nong Magdala, ka Mari ka kmie u Jakob, bad ka Salome ki la thied ki musla ban leit pynsleh ïa ka met U Jisu.

MARKOS 16:9

Hadien ba U Jisu u la mihpat na ka jingïap dang step phyrngab ha ka Sngi U Trai, u la mihpaw nyngkong ha ka Mari ka nong Magdala, na kaba u la pynmih noh ïa ki hynñiew tylli ki ksuid.

LOUKAS 23:27

U paidbah babun u la bud ïa u; hapdeng jong ki, la don katto katne ngut ki kynthei kiba la ïam bad ïam sngewsih na ka bynta jong u.

LOUKAS 23:49

Baroh kito kiba la ithuh ïa U Jisu, kynthup ki kynthei kiba la bud ïa u na Galilaïa, ki la ïeng na pajih ban jngoh.

LOUKAS 23:55

Ki kynthei kiba la bud ïa U Jisu na Galilaïa ki la leit bad u Joseph bad ki la ïohi ïa ka jingtep bad kumno ba la buh ïa ka met ka jong U Jisu hapoh jong ka.

LOUKAS 8:30

U Jisu u la kylli ïa u, “Kaei ka kyrteng jong me?” “Ka kyrteng jong nga ka long ‘U Paidbah,’ ” u la jubab — naba shibun ki ksuid ki la rung hapoh jong u.

ÏOANNIS 19:25

Kiba la ïa-ïeng ha syndah ka diengphna U Jisu ki la long ka kmie jong u, ka para jong ka kmie jong u, ka Mari ka tnga u Kleopas, bad ka Mari ka nong Magdala.

KI KAM 1:14

Ki la ïalumlang tista ban duwai kum ka kynhun, ryngkat lem bad ki kynthei bad ka Mari ka kmie jong U Jisu bad ki para shynrang jong u.