LOUKAS 8:18 - Khasi CL Bible (BSI)

¹⁸ “Da phikir, te, kumno phi pynshahshkor; namar ha uno uno uba don yn ai kham bun shuh, hynrei ha uno uno u bym don, un shah shim noh na u wat ïa kata kaba rit tam kaba u pyrkhat ba u don.”

KA BAIBL

¹⁸ To sumar, namar kata, kumno phi sngew; naba jar uba don, ha uta yn ai: uta u bymdon te, wat ïa kata kaba u mut ba u don, yn shim noh na u.”

LOUKAS 8:18 ပူးပေါင်းရင်းမြစ်များ

PROBERB 14:12

Kaei kaba phi pyrkhat ba ka long ka lynti kaba dei ka lah ban ïalam sha ka jingïap.

MATHAÏOS 13:12

Naba ha u briew uba don ei ei yn nang ai shuh shuh, khnang ba un ïoh kham bun; hynrei ha u briew u bym don ei ei yn shim noh na u wat ïa kaba rit tam kaba u don.

MATHAÏOS 25:29

Naba ïa uwei pa uwei u briew uba don ei ei, yn sa ai kham bun, bad un don kyrhai; hynrei ha u briew u bym don ei ei, wat ïa kaba khyndiat kaba u don yn shim noh na u.

MARKOS 13:14

“Phin sa ïohi ïa ka ‘Jingijli Bashyrkhei’ kaba ïeng ha ka jaka kaba kam dei ban don.” (Ka jingpynkynmaw ïa uba pule: da pynthikna ban sngewthuh ka mut aïu kane!) “Te kito kiba don ha Judia ki dei ban phet sha ki lum.

LOUKAS 19:26

‘Nga ong ha phi,’ u la jubab, ‘ba ha uno uno u briew uba don ei ei, yn ai kham bun shuh shuh; hynrei ha u briew u bym don ei ei, wat ïa kaba rit kaba u don yn shim noh na u.

LOUKAS 9:44

“Wat klet ïa kaei kaba ngan ïathuh ha phi! Yn sa aiti noh ïa U Khun U Briew ha ka bor jong ki briew.”

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

KI KAM 10:33

Bad kumta shisyndon nga la phah khot ïa me, me ruh me la long uba sbun eh ban wan. Mynta ngi baroh ngi don hangne ha ka jingdon ryngkat jong U Blei, da kaba ap ban ïohsngew ïa kano kano kaba U Trai u la bthah ïa me ban ong.”

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

Ka Shithi U Paul Sha Ki Nong Rom 12:3

Bad namar ka jingaiei U Blei ïa nga, nga ong ïa uwei pa uwei na phi: To wat ñiewkor palat than ïa lade ban ïa kaba phi dei ban leh. Pynban, to long adkar ha ki jingmut jingpyrkhat jong phi, bad to bishar ïa lade kat kum ka jingngeit kaba U Blei u la ai ha phi.

1 KORINTH 14:37

Lada uno uno u pyrkhat ba u long u nonglamktien jong U Blei lane u don ka jingai ba kynja mynsiem, u dei ban tip ba kaei kaba nga thoh sha phi ka long ka hukum U Trai.

1 KORINTH 3:18

Wat ai ba uno uno un shukor ïa lade hi. Lada uno uno napdeng jong phi u pyrkhat ba u long uba stad da ka jingthew jong kane ka pyrthei, u dei ban long uba bieit khnang ba un long uba stad da shisha.

1 KORINTH 8:2

Uno uno uba pyrkhat ba u tip ei ei, ha ka jingshisha um tip kumba u dei ban tip.

PHILIPPI 3:4

Nga lah eh, da shisha, ban shaniah ha kum kito kiei kiei. Lada uno uno u pyrkhat ba u lah ban shaniah ha ki jinglehniam kiba shabar, nga don ka daw kaba kham khraw ban sngew kumta.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.