LOUKAS 8:15 - Khasi CL Bible (BSI)

¹⁵ Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

KA BAIBL

¹⁵ Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

LOUKAS 8:15 ပူးပေါင်းရင်းမြစ်များ

SALM 119:11

Nga ri khop ïa ka hukum jong me ha la ka dohnud, khnang ba ngan ym leh pop pyrshah ïa me.

SALM 51:10

To pynlong ïa ka dohnud basngur hapoh jong nga, A Blei, bad buh ïa ka mynsiem kaba thymmai bad ba-beit hapoh jong nga.

PROBERB 3:1

Ko khun jong nga, wat klet ïa kaei kaba nga hikai ïa phi, kynmaw borabor ïa kaei kaba nga ïathuh ïa phi ban leh.

JEREMAÏAH 15:16

Me la kren ïa nga, bad nga la shahshkor ïa kawei pa kawei ka kyntien. Nga long u jong me, A Trai U Blei Badonbor Baroh, bad kumta ki ktien jong me ki la pyndap ïa ka dohnud jong nga da kaba kmen bad ka jingsngewkmen.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

MATHAÏOS 24:13

Hynrei uno uno uba ïeng skhem haduh kaba kut un lait im.

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

LOUKAS 6:45

U briew uba bha u wallam ïa kaba bha na ka jingkynshew jong kiei kiei kiba bha kiba ha ka dohnud jong u; u briew uba sniew u wallam ïa kaba sniew na ka jingkynshew jong kiei kiei kiba sniew. Naba ka shyntur ka kren ïa kaei kaba dap ha ka dohnud.

LOUKAS 8:14

Ki symbai kiba la hap hapdeng ki bniap shiah ki ïeng na ka bynta kito kiba ïohsngew; hynrei ki jingkhuslai bad ka spah bad ki jingsngewbha jong kane ka jingim ki ïatyllep bad kjap ïa ki, bad ki soh jong ki kim ju ih.

LOUKAS 8:16

“Ym don mano mano ba thang ïa ka sharak bad tap ïa ka da ka shang lane buh ïa ka ha khrum jingthiah. Pynban, u buh ïa ka halor u diengpynïeng sharak, khnang ba ki briew kin ïohi ïa ka jingshai katba ki dang wan rung.

ÏOANNIS 14:15

“Lada phi ieit ïa nga, phin sumar ïa ki hukum jong nga.

ÏOANNIS 15:10

Lada phi kohnguh ïa ki hukum jong nga, phin ïaineh ha ka jingieit jong nga, kumba nga la kohnguh ïa ki hukum U Kpa jong nga bad nga ïaineh ha ka jingieit jong u.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 6:22

Hynrei mynta ïa phi la pyllaitluid na ka pop bad phi long ki mraw jong U Blei. Ka jingmyntoi ïa phi ka long ka jingim ba la aiti lut sha u, bad ka jingmih ka long ka jingim bymjukut.

Ka Shithi U Paul Sha Ki Nong Rom 7:18

Nga tip ba kaba bha kam im hapoh jong nga — kata, ha ka jinglong ba kynja doh jong nga. Naba wat la ka jingkwah ban leh ïa kaba bha ka don hapoh jong nga, ngam lah ban leh ïa ka.

Ka Shithi U Paul Sha Ki Nong Rom 7:4

Ka long kumta bad phi, ko ki parabangeit jong nga. Ha ka jingïadei bad ka hukum, ma phi ruh phi la ïap namar phi long ka bynta jong ka met U Khrist; bad mynta phi long ki jong u, uta ïa uba la pynmihpat na ka jingïap khnang ba ngi lah ban long kiba U Blei u lah ban pyndonkam na ka bynta ka kam jong u.

Ka Shithi U Paul Sha Ki Nong Rom 8:25

Hynrei lada ngi kyrmen ïa kaei kaba ngim ïohi, ngi ap ïa kata da ka jingïaishah.

1 KORINTH 7:19

Naba kaba otsher ne kaba khlem otsher ïa u briew kam don jingmut ei ei; kaei kaba donkam ka long ban kohnguh ïa ki hukum U Blei.

EPHESOS 2:8

Namar dei da ka jingaiei U Blei ba ïa phi la pynim da ka jingngeit. Kam dei na ka jingmih na ki kam jong phi hi, hynrei ka long ka jingai U Blei, khnang ba uno uno un ym lah ban kren sarong shaphang kata.

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

KOLOSSAI 1:6

Ka gospel ka ïai wallam ki jingkyrkhu bad ka par kylleng ka pyrthei, kumba ka la long hapdeng jong phi naduh kata ka sngi kaba phi la ïohsngew nyngkong shaphang ka jingaiei jong U Blei bad phi la tip ïa ka kumba ka long shisha.

HEBRU 10:36

Phi donkam ban long kiba ïaishah, khnang ba phi lah ban leh ïa ka mon U Blei bad ïohpdiang ïa kata kaba u kular.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.

JAKOB 1:4

Pynthikna ba ka jingïaishah jong phi ka rah ïa phi artet ka lynti khlem da hap noh, khnang ba phin long kiba janai bad kiba dap pura, khlem jingduna ei ei.

1 ÏOANNIS 2:3

Lada ngi kohnguh ïa ki hukum jong U Blei, te ngi sngewskhem ba ngi ithuh ïa u.