LOUKAS 8:13 - Khasi CL Bible (BSI)

¹³ Ki symbai kiba hap halor ka jaka maw ki ïeng na ka bynta kito kiba ïohsngew ïa ka khubor bad kiba pdiang ïa ka da kaba kmen. Hynrei kam shym ngam jylliew hapoh jong ki; ki ngeit tang shipor hynrei haba ka por jingtynjuh ka wan poi, ki hap noh.

KA BAIBL

¹³ Kita te kiba halor u mawsiang, ki long kita kiba ynda ki la ïohsngew, ki pdiang ïa kata ka ktien da kaba kmen; bad kine kim don thied, kiba shu ngeit shi por, bad ha ka por ka jingtynjuh, ki phai dien noh.

LOUKAS 8:13 ပူးပေါင်းရင်းမြစ်များ

Ka Kitab U Job 19:28

“Kumno ngin pynshitom ïa u?” Phi ap khmih ïa ka kabu ban tur ïaleh ïa nga,

PROBERB 12:12

Baroh kaba ki briew ba-bymman ki kwah ka long ban wad ban leh ïa ki kam kiba sniew, hynrei kiba hok ki ïeng skhem.

PROBERB 12:3

Ka jingleh bymman kam wanrah ïa ka jingshngain, hynrei ki briew kiba hok ki ïeng skhem.

ISAÏAH 58:2

Ki mane ïa nga man la ka sngi, ki da kam ba ki thrang ban tip ïa ki lynti jong nga bad kohnguh ïa ki aiñ jong nga. Ki ong ba ki kwah ïa nga ban ai ïa ki aiñ kiba beit bad ba ki shem sngewbha ha kaba mane ïa nga.”

ESEKIEL 33:32

Ha ki mem long ei ei lait tang u nongpynbyrngia da kaba rwai ki jingrwai jingieit ne tem ka duitara. Ki shahshkor ïa ki ktien jong me baroh hynrei kim kohnguh ïa kawei ruh na ki.

HOSIA 6:4

Hynrei U Trai u ong, “Ko Israel bad Judah, Kaei kaba ngan leh ïa phi? Ka jingieit jong phi ïa nga ka jah noh shen kum u slap mynstep; ka long kum ka umjer, kaba jah noh shen ha ka sngi.

MARKOS 6:20

U Herod u la sheptieng ïa u Ïoannis namar u la tip ba u Ïoannis u long u briew uba bha bad uba khuid, bad kumta u ju da ïa u. U ju sngewbha ban sngap ïa u, wat la u shitom jingmut shikatdei eh man ka por ba u ïohsngew ïa u.

LOUKAS 8:12

Ki symbai kiba hap ha shi lynter ka lynti ïaid kjat ki ïeng na ka bynta kito kiba ïohsngew; hynrei u Ksuid u wan bad u shim noh ïa ka khubor na ki dohnud jong ki khnang ban khang ïa ki na kaba ngeit bad ïohlait im.

LOUKAS 8:14

Ki symbai kiba la hap hapdeng ki bniap shiah ki ïeng na ka bynta kito kiba ïohsngew; hynrei ki jingkhuslai bad ka spah bad ki jingsngewbha jong kane ka jingim ki ïatyllep bad kjap ïa ki, bad ki soh jong ki kim ju ih.

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

ÏOANNIS 15:6

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

ÏOANNIS 5:35

U Ïoannis u la long kum ka sharak, kaba meh bad kaba tyngshaiñ, bad phi la mon shipor ban lehkmen ha ka jingshai jong u.

1 KORINTH 13:2

Nga lah ban don ka jingai ban ïalap da ka jingpyrsad mynsiem; nga lah ban don ïa ka jingtip baroh bad shemphang ha ki jingmaïan baroh; nga lah ban don ïa ka jingngeit baroh kaba donkam ban pynkynriah ïa ki lumbah — hynrei lada ngam don ka jingieit, ngam long ei ei.

1 KORINTH 15:2

Kata ka long ka gospel, ka khubor kaba nga la ïalap ha phi. Ïa phi la pynim da ka gospel lada phi batskhem ïa ka — lymda phi la ngeit lehnoh-ei.

GALATIA 3:1

A phi ki nong Galatia kiba bieit! Uei uba la pynthame ïa phi? Ha khmat ki khmat jong phi hi la batai shai kdar ïa ka jingïap U Jisu Khrist halor ka diengphna!

GALATIA 3:4

Hato baroh kaba phi la mad kam don jingmut ei ei? Da shisha ka don katto katne ka jingmut!

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

KOLOSSAI 2:7

Pynngam jylliew ïa ki nongrim jong phi ha u, to tei ïa ka jingim jong phi halor jong u, bad to nang kham khlaiñ ha ka jingngeit jong phi, kumba la hikai ïa phi. Bad to long kiba la pyndap da ka jingainguh.

1 THESSALONI 3:5

Dei kata keiñ balei ba nga la phah ïa u Timothi. Ngam lah shah shuh, kumta nga la phah ïa u ban tip shaphang ka jingngeit jong phi. Da shisha kam lah ban long ba u Ksuid u la pynshoi ïa phi bad ba ka kam jong ngi baroh ka la long kaba lehnoh-ei!

1 TIMOTHI 1:19

To pyndonkam ïa kito ki ktien kum ki jingkieng atiar khnang ba me lah ban ïaleh shlur, bad sumar ïa la ka jingngeit bad ïa ka jingïatiplem bakhuid. Don ki briew ki bymshahskhor ïa la ka jingïatiplem bad ki la pyntroiñ ïa la ka jingngeit.

HEBRU 10:39

Ngim long ki briew kiba phai dien bad kiba jot noh. Pynban, ngi don ka jingngeit bad la pynim ïa ngi.

JAKOB 2:26

Te kumta, kumba ka met khlem ka mynsiem ka long kaba ïap, kumta ruh ka jingngeit khlem ki kam ka long kaba ïap.

2 PETROS 2:20

Lada ki briew ki la lait im na ki bor ba pynpyut jong ka pyrthei da ka jingtip jong ki ïa U Jisu Khrist uba U Trai bad U Nongpynim jong ngi, bad nangta ki ngat biang bad shahjop ha ki, kum kita ki briew ki don ha ka jinglong kaba kham sniew ha kaba kut ban ïa kaba ki la long ha kaba nyngkong.

2 PETROS 2:22

Kaei kaba la jia ha ki, ka pynpaw ba ki Proberb ki long kiba shisha: “U ksew u leit phai pat sha la ka prie” bad “u sniang ïa uba la pynsum pynsait u leit kyrsum pat ha ka ktieh.”

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

JUDAH 1:12

Da ki jingkhroh bym don jinglehrain, ki long ka jingthohbria ha ki jingkhawai ïasyllok jong phi. Ki kitkhia tang na ka bynta ïa lade. Ki long kum ki lyoh ba rah ka lyer, hynrei khlem wanrah slap. Ki long kum ki dieng ba khlem soh, wat ha ka synrai, ki dieng ba la rat naduh ki thied bad kiba la ïap noh.