LOUKAS 8:12 - Khasi CL Bible (BSI)

¹² Ki symbai kiba hap ha shi lynter ka lynti ïaid kjat ki ïeng na ka bynta kito kiba ïohsngew; hynrei u Ksuid u wan bad u shim noh ïa ka khubor na ki dohnud jong ki khnang ban khang ïa ki na kaba ngeit bad ïohlait im.

KA BAIBL

¹² Te kita kiba harud lynti, long kita kiba ïohsngew; hadien kata, u Soitan u wan bad u rong noh ïa kata ka ktien na ka dohnud jong ki, khnang ba kin ym ngeit bad ïohlait im.

LOUKAS 8:12 ပူးပေါင်းရင်းမြစ်များ

PROBERB 1:29

Phim ju sngew donkam ïa ka jingtip bad borabor phi kyntait ban kohnguh ïa U Trai.

PROBERB 4:5

A to ïoh ïa ka jingstad bad ka jingshemphang! Wat klet lane leh bymsuidñiew ïa ki ktien jong nga.

ISAÏAH 65:11

“Hynrei kan long pher ïa phi kiba la kyntait ïa nga, kiba lyndet ïa ka Seïon, u lum bakyntang jong nga, bad mane ïa u Gad bad u Meni, ki blei ka nusip bad ka kupar.

MATHAÏOS 13:19

Kito kiba ïohsngew ïa ka khubor shaphang ka Hima hynrei ki bymshemphang ïa ka, ki long kum ki symbai kiba la hap ha shi lynter ka lynti ïaid kjat. Uta u Basniew u wan bad u knieh noh ïa kaei kaba la bet hapoh jong ki.

MATHAÏOS 13:4

Katba u dang bet ïa u symbai ha ka lyngkha, khyndiat na u symbai u la hap ha lynter ka lynti ïaid kjat, bad ki sim ki la wan bad bam noh.

MARKOS 4:15

Katto katne ngut ki briew ki long kum ki symbai kiba hap ha ka lynti ïaid; ki tang shu ïohsngew ïa ka khubor, u Soitan u wan bad u shim noh ïa ka.

LOUKAS 8:11

“Kane ka long ka jingmut jong ka pharshi: U symbai u long ka ktien U Blei.

LOUKAS 8:13

Ki symbai kiba hap halor ka jaka maw ki ïeng na ka bynta kito kiba ïohsngew ïa ka khubor bad kiba pdiang ïa ka da kaba kmen. Hynrei kam shym ngam jylliew hapoh jong ki; ki ngeit tang shipor hynrei haba ka por jingtynjuh ka wan poi, ki hap noh.

LOUKAS 8:5

“Shisien la don u briew uba la leit ban bet symbai. Katba u dang bet ïa u symbai, katto katne na u, ki la hap ha shi lynter ka lynti ïaid kjat, ha kaba ki la shah ïuh, bad ki sim ki la bam lut.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.