LOUKAS 7:44 - Khasi CL Bible (BSI)

⁴⁴ Nangta u la phai sha kata ka briew bad u la ong ha u Simon, “Me ïohi ïa kane ka briew? Nga la wan shapoh ka ïing jong me, bad mem shym la ai um ïa nga na ka bynta ki kjat jong nga, hynrei ka la sait ïa ki kjat jong nga da ki ummat jong ka bad ka la ñiad rkhiang ïa ki da u shñiuh jong ka.

KA BAIBL

⁴⁴ Bad haba U la phai sha kata ka briew, U la ong ha u Simon, “Me ïohi ne em ïa kane ka briew? nga la rung hapoh ka ïing jong me, te mem shym la ai um ïa ki kjat jong nga, hynrei, kane, ka la sait ïa ki kjat jong nga da ki jingjaw ummat jong ka, bad ka la ñiad da u 'ñiuh khlieh jong ka:

LOUKAS 7:44 ပူးပေါင်းရင်းမြစ်များ

JENESIS 18:4

Shah ngan wanrah khyndiat ka um ba phin ïoh sait ïa ki kjat jong phi; phi lah ban shong jahthait ha trai jong une u dieng.

JENESIS 19:2

U dem ngon ha khmat jong ki, bad u ong, “Ko rangbah, nga don hangne ban shakri ïa phi. Sngewbha wan sha ïing jong nga. Phi lah ban sait ïa la ki kjat, bad ban sahmiet ruh. Lashai phi lah ban khie dang step, bad bteng ïa la ka jingleit.” Hynrei ki jubab, “Em, ngin sahmiet hangne ha ka jaka bakylluid jong ka nongbah.”

JENESIS 43:24

Uta u shakri u ïalam ïa kita shi para shapoh ka ïing. U ai um ïa ki ba kin sait ïa la ki kjat, bad u ai bam ïa ki kada jong ki.

2 SAMUEL 11:8

Nangta u ong ha u Uriah, “Khie leit sha la ïing bad pynjahthait katto katne.” U Uriah u la mih, bad u Dabid u la phah ka jingai sngewbha sha ïing jong u.

LOUKAS 7:38

bad ka la ïeng hadien jong U Jisu, hajan ki kjat jong u, ka da ïam bad ka da pynjhieh ïa ki kjat jong u da ki ummat jong ka. Nangta ka la ñiad pynrkhiang ïa ki kjat jong u da u shñiuh jong ka, ka la doh ïa ki, bad ka la theh ïa ka jingsleh ba-iwbih halor jong ki.

LOUKAS 7:43

“Nga tharai,” u Simon u la jubab, “un long uta uba la ïohmap kham bun.” “Me ong kaba dei,” U Jisu u la ong.

ÏOANNIS 13:5

Nangta u la theh khyndiat ka um ha ka dabor bad u la sdang ban sait ïa ki kjat jong ki synran bad ñiad pynrkhiang ïa ki da kata ka jaiñ ñiad ba la teh ha la ka syngkai.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

JAKOB 2:6

Hynrei phim ñiewburom ïa kiba duk! Kiei kita kiba khñiot beiñ ïa phi bad ba ïalam ïa phi ha khmat ki nongbishar? Kiba riewspah keiñ!

NONGBISHAR 19:21

Kumta u ïalam ïa ki sha la ïing bad u ai bam ïa ki kada jong ki. Ki ruh ki ïasait ïa la ki kjat bad ki ïabam jingbam miet.

1 SAMUEL 25:41

Ka Abigail ka dem ngon ha khyndew bad ka ong, “Nga long ka shakri jong u, kaba kloi ban sait ïa ki kjat jong ki shakri jong u.”