LOUKAS 7:39 - Khasi CL Bible (BSI)

³⁹ Haba u Pharisi u la ïohi ïa kane, u la ong ha lade, “Lada une u briew u dei shisha u nongïathuhlypa, un da la tip kaba kumno kane ka briew ka long kaba ktah ïa u; un da la tip ka jait jingim bapop kaba kumno ka la im!”

KA BAIBL

³⁹ Te haba uta u Pharisi uba la khot ïa U, u la ïohi, u la kren ha lade, u da ong, “Lada une u long u nongïathuhlypa, un da la ithuh kaei bad kaba kumno kane ka briew kaba ktah ïa u, ba ka long ka bapop.”

LOUKAS 7:39 ပူးပေါင်းရင်းမြစ်များ

2 SYIEM 5:20

haba u Gehasi, u shakri jong u Elisha, u ong ha lade, “U kynrad jong nga u la pyllait ïa u Naaman ban leit noh khlem da siew ei ei! U la dei ban pdiang ïa kaei kaba uto u Syria u tyrwa ïa u. Da U Trai uba im, ngan mareh hadien jong u bad ngan ïoh ei ei na u.”

PROBERB 23:7

“To wan bad bam shuh sa khyndiat,” u ong, hynrei um mut kumta. Kaei kaba u pyrkhat ka long kaei kaba u long da shisha.

ISAÏAH 65:5

Bad nangta ki ong ïa kiwei pat, ‘To ïeng jngai na ngi, naba ngi long kiba khuid shaba palat ym bit ban ktah ïa ngi!’ Ngam lah ban shah ïa ki briew kiba kum kita — ka jingbitar jong nga pyrshah ïa ki ka long kum ka ding ka bym ju lip shuh.

MATHAÏOS 20:16

Bad U Jisu u la pynkut, “Kumta kiba khatduh kin long ha shuwa, bad kito kiba ha shuwa kin long khatduh.”

MATHAÏOS 21:11

“Une u long uta U Jisu u nongïathuhlypa, uba na Nasareth ha Galilaïa,” ki paidbah ki la jubab.

MARKOS 7:21

Naba na shapoh, na ka dohnud u briew, ki wan ki jingmut basniew kiba ïalam ïa u ban leh ki kam awria, ban lute, ban pynïap,

LOUKAS 12:17

U la sdang ban pyrkhat ha lade, ‘Ngam don hangno hangno ban buh ïa ki jingthung jong nga baroh. Aïu nga lah ban leh?

LOUKAS 15:2

ki Pharisi bad ki nonghikai ka Hukum ki la sdang ban khñium, “Une u briew u pdiang sngewbha ïa kiba shah kyntait bad u da ïabam lem bad ki!”

LOUKAS 16:3

U shakri u la ong ha lade, ‘U Kynrad jong nga un sa beh ïa nga na ka kam jong nga. Kaei ba ngan leh? Ngam long uba khlaiñ ban tih kharai, bad nga sngewlehrain ban khrong.

LOUKAS 18:4

La slem bah u nongbishar u la kyntait ban leh ei ei, hynrei ha kaba khatduh u la ong ha lade, ‘Wat la ngam sheptieng ïa U Blei lane burom ïa u briew,

LOUKAS 3:8

To leh ïa kita kiei kiei ki ban pyn-i ba phi la phai noh na ki pop jong phi. Bad wat sdang ban ong hapdeng jong phi hi ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ïa ki, ki khun ki ksiew jong u Abraham!

LOUKAS 7:16

La pyndap ïa ki baroh da ka jingsheptieng bad ki la ïaroh ïa U Blei. “U nongïathuhlypa uba khraw u la mihpaw hapdeng jong ngi!” ki la ong; “U Blei u la wan ban pynim ïa ki briew jong u!”

LOUKAS 7:37

Ha kata ka shnong, la don ka briew kaba la im ka jingim kaba dap da ka pop. Ka la ïohsngew ba U Jisu u wan bam ha ka ïing jong u Pharisi, kumta ka la wallam ïa ka dabi alabastar kaba la dap da ka jingsleh ba-iwbih

LOUKAS 7:38

bad ka la ïeng hadien jong U Jisu, hajan ki kjat jong u, ka da ïam bad ka da pynjhieh ïa ki kjat jong u da ki ummat jong ka. Nangta ka la ñiad pynrkhiang ïa ki kjat jong u da u shñiuh jong ka, ka la doh ïa ki, bad ka la theh ïa ka jingsleh ba-iwbih halor jong ki.

LOUKAS 7:40

U Jisu u la kren bad u la ong ha u, “Ko Simon, nga don ei ei ban ong ha me.” “Ko Nonghikai,” u la ong, “to ïathuh ïa nga.”

ÏOANNIS 4:19

“Nga ïohi ba me long u nongïathuhlypa, ko kynrad,” kata ka kynthei ka la ong.

ÏOANNIS 7:12

Ka la don ka jingïa-pasiaw kaba jur shaphang jong u hapdeng u paidbah. “U long u briew uba bha,” don kiba la ong. “Em,” kiwei ki la ong, “u ïalam bakla ïa ki briew.”

ÏOANNIS 9:24

Ha ka sien kaba ar ki la khot biang ïa uta u briew ïa uba la kha matlah, bad ki la ong ha u, “To kular ha khmat U Blei ba men ïathuh ïa ka jingshisha! Ngi tip ba une u briew uba la pynkoit ïa me u dei u nongpop.”