LOUKAS 7:37 - Khasi CL Bible (BSI)

³⁷ Ha kata ka shnong, la don ka briew kaba la im ka jingim kaba dap da ka pop. Ka la ïohsngew ba U Jisu u wan bam ha ka ïing jong u Pharisi, kumta ka la wallam ïa ka dabi alabastar kaba la dap da ka jingsleh ba-iwbih

KA BAIBL

³⁷ Ha khmih ruh, ka briew ha kata ka shnong, kaba long ka bapop, haba ka la tip ba U shong shaniah ban bam ha ïing uta u Pharisi, ka la wallam ïa ka dabi alabaster ka jingsleh;

LOUKAS 7:37 ပူးပေါင်းရင်းမြစ်များ

MATHAÏOS 21:31

Uno na kine ar ngut uba la leh ïa kaei kaba u kpa u la kwah?” “Uta uba kham san,” ki la jubab. Kumta U Jisu u la ong ha ki, “Nga ong ha phi: Ki nonglum khajna bad ki nuti ki leit rung shapoh ka Hima U Blei ha shuwa jong phi.

LOUKAS 18:13

“Hynrei u nonglum khajna u la ïeng ha pajih bad um shym khmied la ka durkhmat sha bneng, hynrei u ïai tied ïa la ka shadem bad u la ong, ‘A Blei, to isynei ïa nga, u nongpop!’

LOUKAS 19:7

Baroh ki briew kiba la ïohi ïa kata ki la sdang ban khñium, “Une u briew u la leit kum uba shah khot sngewbha sha ka ïing jong u nongpop!”

LOUKAS 5:30

Katto katne ngut ki Pharisi bad katto katne ngut ki nonghikai ka Hukum kiba dei ki jong ka kynhun jong ki, ki la khñium ha ki synran jong U Jisu. “Balei ba phi ïabam bad ïadih bad ki nonglum khajna bad kiwei pat kiba la shah kyntait?” Ki la kylli.

LOUKAS 5:32

Ngam shym la wan ban khot ïa ki riewdonburom ban kylla-kaba-mut, hynrei ïa kiba la shah kyntait.”

LOUKAS 7:34

U Khun U Briew u la wan, bad u la bam bad u la dih, bad phi la ong, ‘Khmih ïa une u briew! U long u lalot bad u nongbuaid, u paralok jong ki nonglum khajna bad kiwei pat kiba la shah kyntait!’

LOUKAS 7:36

U Pharisi u la khot sngewbha ïa U Jisu ban ïabam miet bad u, bad U Jisu u la leit sha ka ïing jong u bad u la shong ban bam.

ÏOANNIS 11:2

(Kane ka Mari ka dei kato kaba la pynsleh ïa ki kjat U Trai da ka jingsleh ba-iwbih bad kaba la ñiad ïa ki da u shñiuh khlieh jong ka; u dei u Lasaros u para jong ka uba la pang.)

ÏOANNIS 9:24

Ha ka sien kaba ar ki la khot biang ïa uta u briew ïa uba la kha matlah, bad ki la ong ha u, “To kular ha khmat U Blei ba men ïathuh ïa ka jingshisha! Ngi tip ba une u briew uba la pynkoit ïa me u dei u nongpop.”

ÏOANNIS 9:31

Ngi tip ba U Blei um ju shahshkor ïa ki nongpop; u shahshkor ïa ki briew kiba burom ïa u bad ba leh ïa kaei kaba u kwah ïa ki ban leh.

Ka Shithi U Paul Sha Ki Nong Rom 5:8

Hynrei U Blei u la pyn-i ha ngi haduh katno ba u ieit ïa ngi — ka la long mynba ngi dang long ki nongpop ba U Khrist u la ïap na ka bynta jong ngi!

1 TIMOTHI 1:15

Kane ka long ka jingong kaba shisha, ïa kaba dei ban pdiang pura bad ban ngeit: U Khrist Jisu u la wan sha ka pyrthei ïa ka ban pynim ïa ki nongpop, nga long uba sniew tam na ki,

1 TIMOTHI 1:9

Ka long kaba dei ban kynmaw, da shisha, ba ïa ki hukum la thaw, ym na ka bynta ki briew ki babha, hynrei ïa ki nongpynkheiñ hukum bad ki riewrunar, na ka bynta kiba khlem Blei bad kiba pop, na ka bynta kito ki bymriewblei ne ki bym long kiba kynja mynsiem, kito kiba pynïap ïa la ki kpa bad ki kmie, na ka bynta ki nongpynïap briew, na ka bynta kiba leh kam ba-ijli, na ka bynta kiba awria, ki nongrahbor, na ka bynta kito kiba shukor bad kiba ai jingphla lamler lane kito kiba leh ïa kano kano kaba markhongpong ïa ka jinghikai kaba shisha.

1 PETROS 4:18

Kumba ka Jingthoh Bakhuid ka ong: “Ka long kaba eh ïa ki briew ki babha ba kin ïohlait im; aïu te, kan long ïa ki nongpop ba khlem Blei?”