LOUKAS 7:22 - Khasi CL Bible (BSI)

²² U la jubab ïa ki nonglamktien jong u Ïoannis, “Khie leit noh bad ïathuh ïa u Ïoannis ïa kaei kaba phi la ïohi bad ïohsngew: Kiba matlah ki lah ban ïohi, kiba dkoh ki lah ban ïaid, kito kiba pang 'ñiangthohlieh ki la long khuid, kiba kyllut ki lah ban ïohsngew, ïa kiba ïap pynim pat, bad ïa ka Khubor Babha la ïalap ha kiba duk.

KA BAIBL

²² U Jisu te u la ïathuh bad u la ong ha ki, “Khie leit ïathuh ha u Ïoannis ïa kiei kiei kiba phi la ïohi bad ba phi la ïohsngew ruh; ba ki bamatlah ki peit pat, ki ba-dkoh ki ïaid, ïa kiba sa 'ñiangthohlieh la pynkhuid, ki bakyllut ki ïohsngew, ïa ki baïap la pynim pat, bad la ïalap ïa ka gospel ha ki baduk:

LOUKAS 7:22 ပူးပေါင်းရင်းမြစ်များ

Ka Kitab U Job 29:15

Nga la long ki khmat ïa kiba matlah, bad ki kjat ïa kiba dkoh.

SALM 146:8

bad u pynpeit pat ïa kiba matlah. U khyllie ïa kito kiba la kyllon noh; u ieit ïa ki briew kiba hok jong u.

ISAÏAH 42:16

“Ngan ïalam ïa ki briew bamatlah jong nga na ki lynti kiba kim pat ju ïaid. Ngan pynkylla ïa ka jingdum jong ki sha ka jingshai bad pynlong ïa ki jaka khohruh khohram kiba jem ha khmat jong ki. Kine ki long ki jingkular jong nga, bad ngan batskhem ïa ki.

ISAÏAH 43:8

U Blei u ong, “Khot hajir ïa ki briew jong nga sha ïingbishar. Ki don ki khmat hynrei ki long kiba matlah; ki don ki shkor hynrei ki long kiba kyllut!

JEREMAÏAH 31:8

Ngan wallam ïa ki na shaphang shatei bad ngan lumlang ïa ki na kiba kut ka pyrthei. Kiba matlah bad kiba dkoh kin wan lang bad ki, ki kynthei ba la armet bad kito ki ban sa kha. Kin sa long pat ka jaitbynriew kaba khraw.

SEPHANAÏAH 3:12

Ngan ieh hangta ïa ki briew kiba sngewrit bad kiba duk, ki ban wan sha nga na ka bynta ka jingïarap.

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 21:14

Kiba matlah bad kiba dkoh ki la wan sha u ha ka Templ, bad u la pynkhiah ïa ki.

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

LOUKAS 7:21

Ha kata ka por U Jisu u la pynkhiah ïa kiba bun ki briew na ki jingshitom jong ki, ki jingpang jong ki, bad na ki mynsiem bymkhuid, bad u la ai ka jingïohi pat ha kiba bun ki briew kiba matlah.

LOUKAS 7:23

Katno kiba suk ki long kito ki bym don jingartatien shaphang jong nga!”

ÏOANNIS 1:46

“Hato kano kano kaba bha ka lah ban mih na Nasareth?” U Nathanael u la kylli. “To wan bad khmih,” la jubab u Philip.

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

KI KAM 8:7

Ki mynsiem bymman ki la mihnoh na kiba bun ki briew da kaba lynñiar jam, bad ïa kiba bun kiba pang ïapshiliang bad kiba dkoh la pynkhiah.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.