LOUKAS 7:16 - Khasi CL Bible (BSI)

¹⁶ La pyndap ïa ki baroh da ka jingsheptieng bad ki la ïaroh ïa U Blei. “U nongïathuhlypa uba khraw u la mihpaw hapdeng jong ngi!” ki la ong; “U Blei u la wan ban pynim ïa ki briew jong u!”

KA BAIBL

¹⁶ Ka jingsheptieng te ka la ngat ha ki baroh; bad ki la ïaroh ïa U Blei, ki da ong, “U nongïathuhlypa u bakhraw u la mih hapdeng jong ngi, bad U Blei u la wan-i ïa la ki briew.”

LOUKAS 7:16 ပူးပေါင်းရင်းမြစ်များ

SALM 65:9

Me pyn-i ïa ka jingsumar jong me ïa ka ri da kaba phah ïa u slap; me pynseisoh kyrhai ïa ka; me pyndap ïa ki wahduid da ka um; me pynbiang ïa ka khyndew da ki mar rep. Kane ka long kumno me leh ïa ka:

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

MATHAÏOS 15:31

Ki paidbah ki la lyngngoh haba ki la ïohi ba ki bymnang kren ki kren, kiba khrew ki koit, kiba dkoh ki ïaid, bad kiba matlah ki ïohi, bad ki la ïaroh ïa U Blei ka Israel.

MATHAÏOS 21:11

“Une u long uta U Jisu u nongïathuhlypa, uba na Nasareth ha Galilaïa,” ki paidbah ki la jubab.

MATHAÏOS 28:8

Kumta ki la mihnoh ha ka jingkyrkieh na ka jingtep, da ka jingsheptieng bad pynban kiba la pyndap da ka jingkmen, bad ki la mareh ban ïathuh ha ki synran jong u.

MATHAÏOS 9:8

Haba ki briew ki la ïohi ïa kata, ki la sheptieng, bad ki la ïaroh ïa U Blei uba la ai kum kata ka iktiar ha ki briew.

LOUKAS 1:65

La pyndap ïa ki paramarjan baroh da ka jingsheptieng, bad ka khubor shaphang kine kiei kiei ka la saphriang kylleng ka ri lum Judia.

LOUKAS 1:68

“To ngin ïaroh ïa U Trai, U Blei jong ki Israel! U la wan ïa ka ban ïarap ïa ki briew jong u bad ban pyllaitluid ïa ki.

LOUKAS 19:44

Kin pynjot thiaw ïa pha bad ïa ki briew kiba hapoh ki kynroh jong pha; yn ym pynsah wat uwei ruh u maw ha ka jaka ba u don, namar ba pham shym ithuh ïa ka por mynba U Blei u la wan ban pynim ïa pha!”

LOUKAS 2:20

Ki nongaplangbrot ki la leit phai pat, ki da rwai ki jingïaroh ïa U Blei na ka bynta baroh kaba ki la ïohsngew bad ïohi; ka la long thik kumba u angel u la ïathuh ha ki.

LOUKAS 24:19

“Kiei kita?” u la kylli. “Kiei kiei kiba la jia ha U Jisu uba na Nasareth,” ki la jubab. “Une u briew u la long u nongïathuhlypa bad la ñiew da U Blei bad da ki briew baroh ba u long uba donbor ha kiei kiei baroh kiba u kren bad leh.

LOUKAS 5:26

Baroh ki la ïalyngngoh shikatdei eh! Ki la dap da ka jingsheptieng, ki la ïaroh ïa U Blei, ki da ong, “A katno kiei kiei kiba phylla ngi la ïohi ha kane ka sngi!”

LOUKAS 5:8

Haba u Simon Petros u la ïohi ïa kaei kaba lah jia, u la dem khohsiew ha khmat U Jisu bad u la ong, “Khie leit noh na nga, ko Trai! Nga long u briew uba pop!”

LOUKAS 7:15

Uta u briew uba la ïap u la khie shong bad u la sdang ban kren, bad U Jisu u la ai ïa u pat sha ha ka kmie jong u.

LOUKAS 7:39

Haba u Pharisi u la ïohi ïa kane, u la ong ha lade, “Lada une u briew u dei shisha u nongïathuhlypa, un da la tip kaba kumno kane ka briew ka long kaba ktah ïa u; un da la tip ka jait jingim bapop kaba kumno ka la im!”

LOUKAS 8:37

Nangta baroh ki briew na kata ka thain ki la kyrpad ïa U Jisu ban leit noh, namar ba ki la sheptieng shikatdei eh. Kumta U Jisu u la kiew halor ka lieng bad u la leit noh.

LOUKAS 9:19

“Katto katne ngut ki ong ba me dei u Ïoannis u Nongpynbaptis,” ki la jubab. “Kiwei pat ki ong ba me dei u Elijah, katba kiwei pat ki ong ba me dei uwei na ki nongïathuhlypa na mynbarim uba la mihpat.”

ÏOANNIS 1:21

“Te, me dei uei?” ki la kylli, “Hato me dei u Elijah?” “Em, ngam dei,” u Ïoannis u la jubab. “Hato me dei u nongïathuhlypa?” ki la kylli. “Em,” u la jubab.

ÏOANNIS 4:19

“Nga ïohi ba me long u nongïathuhlypa, ko kynrad,” kata ka kynthei ka la ong.

ÏOANNIS 6:14

Haba ki paidbah ki la ïohi ïa kane ka kambah kaba U Jisu u la leh, ki la ong, “Da shisha une u long u nongïathuhlypa, uba la dei ban wan sha ka pyrthei!”

ÏOANNIS 9:17

Kumta ki Pharisi ki la kylli ïa uta u briew sa shisien, “Me ong u la pynkoit ïa me na ka jingmatlah jong me — haba kumta, me ong aïu shaphang jong u?” “U dei u nongïathuhlypa,” uta u briew u la jubab.

KI KAM 5:5

Mar ïa ïohsngew ïa kane, u Ananias u la kyllon ïap; bad baroh kiba la ïohsngew shaphang kane, ki la sngewshyrkhei.

KI KAM 7:37

U Moses u long uta uba la kren ha ki paid Israel, ‘U Blei un phah ha phi ïa u nongïathuhlypa, kumba u la phah ïa nga, bad un long uba napdeng ki briew jong phi.’

GALATIA 1:24

Bad kumta ki la ïaroh ïa U Blei namar jong nga.

DEUTERONOMI 18:15

Un phah ha phi napdeng jong phi hi ïa u nongïathuhlypa uba kum ma nga, bad phi dei ban kohnguh ïa u.