LOUKAS 7:13 - Khasi CL Bible (BSI)

¹³ Haba U Trai u la ïohi ïa ka, la pyndap ïa ka dohnud jong u da ka jingisynei ïa ka, bad u la ong ha ka, “Wat ïam.”

KA BAIBL

¹³ Haba U Trai te U la ïohi ïa ka, U la sngewsynei ïa ka, bad U la ong ha ka, “To wat ïam.”

LOUKAS 7:13 ပူးပေါင်းရင်းမြစ်များ

SALM 103:13

Kumba u kpa u long uba sbun ïa ki khun jong u, kumjuh ruh U Trai u long uba sbun ïa kito kiba pyndonburom ïa u.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

MARKOS 8:2

“Nga sngewsynei ïa kine ki briew, namar ki la don bad nga la lai sngi bad mynta kim don ei ei shuh ban bam.

LOUKAS 10:1

Hadien kane U Jisu u la jied sa hynñiewphew ar ngut ki rangbah bad u la phah ïa ki ar ar ngut, ban leit ha shuwa jong u sha ki shnong baroh bad ki jaka ha kaba ma u, u la mut ban leit.

LOUKAS 11:1

Ha kawei ka sngi U Jisu u dang duwai ha kawei ka jaka. Haba u la dep, uwei na ki synran jong u, u la ong ha u, “Ko Trai, to hikai ïa ngi ban duwai, kumba u Ïoannis u la hikai ïa ki synran jong u.”

LOUKAS 11:39

Kumta U Trai u la ong ha u, “Mynta te, phi ki Pharisi phi pynkhuid ïa kaba shabar jong ka khuri bad ka pliang jong phi, hynrei hapoh, phi dap da ka jingleh jubor bad ka jingsniew.

LOUKAS 12:42

U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei.

LOUKAS 13:15

U Trai u la jubab ïa u, “Me uba arsap! Uno uno na phi un law ïa la u masi dab lane ïa la ka kada na ka sem bad ïalam shabar ban ai um ha ka sngi Sabbaton.

LOUKAS 17:5

Ki apostol ki la ong ha U Trai, “To kham pynkhraw ïa ka jingngeit jong ngi.”

LOUKAS 17:6

U Trai u la jubab, “Lada phi don ka jingngeit kat u symbai tyrso, phi lah ban ong ha une u diengsoh lyngdkhur, ‘To jynrat noh ïa lade na ki thied bad thung ïa lade hapoh duriaw!’ bad un kohnguh ïa phi.

LOUKAS 18:6

Bad U Trai u la bteng, “Shahshkor ïa kaei kaba uta u nongbishar bamsap u la ong.

LOUKAS 19:8

U Sakhaïos u la ïeng joit bad u la ong ha U Trai, “To shahshkor, kynrad! ngan ai shiteng na ki jingdon jingem jong nga ha kiba duk, bad lada nga la shukor ïano ïano, ngan siew pat ïa u sa saw shah.”

LOUKAS 22:61

U Trai u la phai sawdong bad u la khmih shlip ha u Petros, bad u Petros u la kynmaw ba U Trai u la lah ong ha u, “Ha shuwa ba u syiar un kyn-ih ha kane ka miet, men ong lai sien ba mem ithuh ïa nga.”

LOUKAS 24:3

hynrei kim shym shem ïa ka met jong U Trai Jisu.

LOUKAS 24:34

“U Trai u la mihpat da shisha! U la paw ha u Simon!”

LOUKAS 7:12

Mar ïapoi ha ka khyrdop jong ka shnong, ka kynhun leit ontep ka dang mih shabar. U briew uba la ïap u long u khun nyngkong jong ka briew kaba long ka riewkynthei, bad u paidbah babun na ka shnong u la ïadon lem bad ka.

LOUKAS 7:14

Nangta u la ïaid sha khmat bad u la ktah ïa ka krong, bad ki briew kiba bah ïa ka ki la sangeh. U Jisu u la ong, “Ko samla! To khie joit, nga ong ïa me!”

LOUKAS 7:19

bad u la phah ïa ki sha U Trai ban kylli ïa u, “Hato me long uta uba u Ïoannis u la ong u ban sa wan, ne hato ngin khmih lynti ïa uwei pat?”

LOUKAS 8:52

Baroh kiba don hangta ki la ïam bad ïam sngewsih na ka bynta ka khynnah. U Jisu u la ong, “Wat ïam; ka khynnah kam shym ïap — ka shu ïohthiah!”

ÏOANNIS 11:2

(Kane ka Mari ka dei kato kaba la pynsleh ïa ki kjat U Trai da ka jingsleh ba-iwbih bad kaba la ñiad ïa ki da u shñiuh khlieh jong ka; u dei u Lasaros u para jong ka uba la pang.)

ÏOANNIS 11:3

Kita ki kynthei shi para ki la phah khubor sha U Jisu: “Ko Trai, u paralok uba me ieit u pang.”

ÏOANNIS 20:13

“Ko kynthei, balei pha ïam?” ki la ïakylli ïa ka. Ka la jubab, “Ki la rah noh ïa U Trai jong nga, bad ngam tip shano ki la buh ïa u!”

ÏOANNIS 20:15

“Ko kynthei, balei pha ïam?” U Jisu u la kylli ïa ka, “Ïano pha wad?” Ka la nang pyrkhat ba u la dei u nongsumar kper, kumta ka la ong ha u, “Lada me la rah noh ïa u, ko kynrad, to ïathuh ïa nga hangno me la buh ïa u, bad ngan ïoh leit bad shim ïa u.”

ÏOANNIS 4:1

Ki Pharisi ki la ïohsngew ba U Jisu u la nang ïoh kham bun ki synran bad u la nang pynbaptis kham bun ban ïa u Ïoannis.

ÏOANNIS 6:23

Kiwei pat ki lieng, kiba na Tiberias, ki la wan poi ha ka ryngkew hajan ka jaka ha kaba ki paidbah ki la bam ïa u kpu hadien ba U Trai u la ainguh.

1 KORINTH 7:30

kita kiba ïam, kumba kim shym la sngewsih; kito kiba rkhie, kumba kim shym la don ka jingkmen; bad kito kiba ïathied, kumba kim shym long trai ïa kaei kaba ki la thied;

1 THESSALONI 4:13

Ko parabangeit, ngi kwah ïa phi ban tip ïa ka jingshisha shaphang kito kiba la ïap, khnang ba phin ym sngewsih, kumba long kito ki bym don ka jingkyrmen.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 4:15

U Rangbah Lyngdoh jong ngi um long uta u bym lah ban sngewlem ïa ki jingtlot jong ngi. Pynban, ngi don U Rangbah Lyngdoh uba la shah pynshoi ha kiei kiei baroh kum ma ngi, hynrei u bym shym la leh pop.

NONGBISHAR 10:16

Kumta ki bret noh ïa la ki blei nongwei bad ki la mane ïa U Trai; bad u la pisa halor ka jingjynjar jong ki Israel.