LOUKAS 6:7 - Khasi CL Bible (BSI)

⁷ Katto katne ngut ki nonghikai ka Hukum bad katto katne ngut ki Pharisi ki la kwah daw ban mudui ïa U Jisu ba u leh bakla, kumta ki la ïakhmih bniah ïa u ban ïohi lada un pynkhiah ha ka sngi Sabbaton.

KA BAIBL

⁷ Te ki nongthoh bad ki Pharisi ki la ïa-ap thap ïa U, la un pynkhiah ne em ha ka Sabbaton, ba kin ïoh mudui ïa U.

LOUKAS 6:7 ပူးပေါင်းရင်းမြစ်များ

SALM 38:12

Kito kiba kwah ban pynïap ïa nga ki pynap jingriam ïa nga; bad kito kiba kwah ban pynmynsaw ïa nga ki byrngem ban pynjot ïa nga; kim ju sangeh ban ïasylla pyrshah ïa nga.

ISAÏAH 29:21

U Blei un pynjot ïa kito kiba kren sniew ïa kiwei, kito kiba khanglad ïa ka jingpynshitom ïa ki riewrunar, bad kito kiba kren lamler ban khang ïa ki briew kiba hok ban ïoh ïa ka jingbishar hok.

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

MATHAÏOS 5:39

Hynrei mynta nga ong ha phi: wat pynhiarkput ïa uno uno uba leh sniew ïa phi. Lada uno uno u thab ïa phi na ka ngab kamon, ai ba un thab ïa ka ngab kadiang jong phi ruh.

MARKOS 3:2

Katto katne ngut ki briew kiba don hangta ki kwah ban mudui ïa U Jisu ba u leh bymdei; kumta ki la peit bha ïa u bad khmih lada un pynkhiah ïa uta u briew ha ka sngi Sabbaton.

LOUKAS 13:14

U rangbah synshar jong ka synagog u la bitar ba U Jisu u la pynkhiah ha ka sngi Sabbaton, kumta u la kren bad u la ong ha u paidbah, “Don hynriew sngi ha kaba ngi dei ban trei; kumta to wan ha kito ki sngi bad ban ïoh jingpynkhiah, hynrei ym ha ka sngi Sabbaton!”

LOUKAS 20:20

Kumta ki la khmih ïa ka kabu. Ki la pynbam pisa ïa ki katto katne ngut ki rangbah ban leh mynleh kum kiba shida, bad ki la phah ïa ki ban riam ïa U Jisu da ki jingkylli, khnang ba kin lah ban aiti ïa u ha ki bor synshar bad sha ka bor jong u lyngskor ka Hima Rom.

ÏOANNIS 9:16

Don ki Pharisi kiba la ong, “Uta u briew uba la leh ïa kane um lah ban long na U Blei, naba um shym kohnguh ïa ka hukum Sabbaton.” Hynrei, kiwei pat, ki la ong, “Kumno u briew uba long u nongpop u lah ban leh kum kita ki kambah kat kine?” Bad ka la don ka jingïapait hapdeng jong ki.