LOUKAS 6:49 - Khasi CL Bible (BSI)

⁴⁹ Hynrei uno uno uba ïohsngew ïa ki ktien jong nga bad u bymkohnguh ïa ki u long kum u briew uba la tei ïa la ka ïing khlem da pynshong nongrim; haba ka jingshlei um ka lynshop ïa kata ka ïing, ka khyllem shisyndon — bad katno ka jingkhyllem kaba shyrkhei kata ka la long!”

KA BAIBL

⁴⁹ Hynrei, uta uba ïohsngew, bad u bymleh, u long kum u briew uba la tei ïa ka ïing halor ka khyndew, khlem nongrim; ïa kaba ka um ka la shoh kyrthep, bad kumne kumne ruh ka la kyllon; te ka jingjot ka jong kata ka ïing ka la long kaba khraw.”

LOUKAS 6:49 ပူးပေါင်းရင်းမြစ်များ

PROBERB 28:18

Long uba hok bad phin long shngain. Lada phi long bymhok phin kyllon kynsan.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

HOSIA 4:14

Wat la katta ruh ngan ym pynshitom ïa ki na ka bynta kane, namar ma phi hi phi ïa-ïaid lang bad ki nuti kiba ha ka templ, bad ryngkat bad ki, phi ai ki jingkñia ba-thala. Kumba ka proberb ka ong, ‘Ki briew kiba khlem pyrkhat kin sa jot noh.’

MATHAÏOS 23:3

Kumta phi dei ban kohnguh bad leh ïa kiei kiei baroh kiba ki ong ïa phi ban leh; pynban, wat pyrthuh bud ïa ki jingleh jong ki; namar ba kim leh ïa kaei kaba ki ïalap.

MATHAÏOS 24:10

Shibun kin iehnoh ïa ka jingngeit jong ki ha kata ka por; kin ïashetkylla iwei ïa iwei pat bad kin isih iwei ïa iwei pat.

MARKOS 4:17

Hynrei ka khubor kam ngam jylliew hapoh jong ki, bad kim neh slem. Kumta haba ka jingeh lane ka jingpynshitom beiñ ka wan namar ka khubor, tang kumta hi ki phai dien noh.

LOUKAS 12:47

“U shakri uba tip aïu u kynrad jong u, u kwah ïa u ban leh, hynrei u bym shym la pynkloi ïa lade bad leh ïa ka, un shah pynshitom da ka jingsympat kaba jur.

LOUKAS 19:14

Mynta, ki para ri jong u ki la isih ïa u, bad kumta ki la phah ïa ki nonglamktien hadien jong u ban ong, ‘Ngim kwah ïa une u briew ban long u syiem jong ngi.’

LOUKAS 19:27

Mynta, ïa kito ki nongshun jong nga ki bym kwah ïa nga ban long u syiem jong ki, to wallam ïa ki hangne bad pynïap ïa ki ha khmat jong nga!’ ”

LOUKAS 6:46

“Balei ba phi khot ïa nga, ‘A Trai, A Trai,’ bad pynban phim leh ïa kaei kaba nga ong ha phi?

LOUKAS 6:48

U long kum u briew uba, ha kaba tei ïa la ka ïing, u la tih jylliew bad u la pynshong nongrim halor u mawsiang. Ka wah ka la shlei bad ka la lynshop ïa kata ka ïing hynrei kam lah ban pynkhih ïa ka, namar la shna bha ïa ka.

LOUKAS 7:1

Haba U Jisu u la dep ban kren ïa kine kiei kiei baroh ha ki paidbah, u la leit sha Kapernam.

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

KI KAM 20:29

Nga tip ba hadien ba nga leit noh, ki suri barunar sat kin wan hapdeng jong phi, bad kin ym map ïa ka kynhun.

KI KAM 26:11

Bunsien nga la phah pynshitom ïa ki ha ki synagog baroh bad pyrshang ban pynlong ïa ki ban len ïa la ka jingngeit. Nga la bitar haduh katta katta ïa ki ba nga da leit sha ki nongbah nongwei ban pynshitom beiñ ïa ki.

1 THESSALONI 3:5

Dei kata keiñ balei ba nga la phah ïa u Timothi. Ngam lah shah shuh, kumta nga la phah ïa u ban tip shaphang ka jingngeit jong phi. Da shisha kam lah ban long ba u Ksuid u la pynshoi ïa phi bad ba ka kam jong ngi baroh ka la long kaba lehnoh-ei!

2 PETROS 2:20

Lada ki briew ki la lait im na ki bor ba pynpyut jong ka pyrthei da ka jingtip jong ki ïa U Jisu Khrist uba U Trai bad U Nongpynim jong ngi, bad nangta ki ngat biang bad shahjop ha ki, kum kita ki briew ki don ha ka jinglong kaba kham sniew ha kaba kut ban ïa kaba ki la long ha kaba nyngkong.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.