LOUKAS 6:48 - Khasi CL Bible (BSI)

⁴⁸ U long kum u briew uba, ha kaba tei ïa la ka ïing, u la tih jylliew bad u la pynshong nongrim halor u mawsiang. Ka wah ka la shlei bad ka la lynshop ïa kata ka ïing hynrei kam lah ban pynkhih ïa ka, namar la shna bha ïa ka.

KA BAIBL

⁴⁸ U long kum u briew uba tei ïa ka ïing, uba la tih bad uba la ngam jylliew, bad uba la seng nongrim halor u mawsiang; te haba la jia ka jingshlei, ka um ka la shoh kyrthep ïa kata ka ïing, hynrei, kam lah shuh ban pynkhih ïa ka; naba la pynshong nongrim ïa ka halor u mawsiang.

LOUKAS 6:48 ပူးပေါင်းရင်းမြစ်များ

2 SAMUEL 22:2

U Trai u long u nongïada jong nga, u long ka kut baskhem jong nga.

2 SAMUEL 22:32

U Trai tang ma u hi u long U Blei; U Blei tang ma u hi uba long ka jingïada jong ngi.

2 SAMUEL 22:47

U Trai u im! To ïaroh ïa u nongïada jong nga! To pynbna ïa ka jingkhraw jong U Blei uba khlaiñ uba pynim ïa nga!

2 SAMUEL 22:5

Ki jingat phyllung ka jingïap ki don sawdong jong nga, ki jingat phyllung ka jingpynjot ki tyllun halor jong nga;

2 SAMUEL 23:3

U Blei ki Israel u la kren; u nongïada jong ki Israel u ong ha nga: “U syiem uba synshar da ka jinglehhok, uba synshar da kaba kohnguh ïa U Blei,

SALM 32:6

Kumta baroh ki briew kiba hok ai kin duwai sha me ha ki por badonkam; haba ka jingshlei jong ka jingjynjar ka wan tur shapoh, kan ym lah ban poi sha ki.

SALM 62:2

Tang ma u hi uba ïada bad pynim ïa nga; u long u nongkyrshan jong nga, bad ngan ym shahjop da lei lei.

SALM 95:1

Ale, to ngin ïaroh ïa U Trai; to ngin ïarwai da ka jingkmen ha U Blei, uba ïada ïa ngi!

PROBERB 10:25

Ki 'erïong ki wan, bad ki bymman ki shah rong noh; hynrei ki briew kiba hok ki shngain borabor.

ISAÏAH 26:4

To ngin shaniah ha U Trai junom; un ïada ïa ngi borabor.

ISAÏAH 28:16

Kane, mynta, ka dei kaei kaba U Trai Nongsynshar u ong: “Ngan buh ha Seïon ka nongrim kaba skhem bad bakhlaiñ. Ha ka ngan buh ïa u mawdong baskhem ha uba yn thoh ïa ki ktien, ‘Ka jingngeit kaba skhem ka long ruh kaba ïaishah.’

ISAÏAH 59:19

Naduh mihngi shaduh sepngi baroh kin sheptieng ïa u bad ïa ka bor bakhraw jong u. Un wan kum ka um ba kyrthep, kum ka lyer kaba jur.

NAHUM 1:8

Kum ka jingsyllad ka jingshlei um bakhraw u pynjot thiaw ïa ki nongshun jong u; u phah sha ka jingïap jong ki ïa kito kiba pyrshah ïa u.

LOUKAS 6:47

Uno uno uba wan sha nga bad uba shahshkor ïa ki ktien jong nga bad uba kohnguh ïa ki — ngan pyn-i ha phi u ïasyriem ïano.

LOUKAS 6:49

Hynrei uno uno uba ïohsngew ïa ki ktien jong nga bad u bymkohnguh ïa ki u long kum u briew uba la tei ïa la ka ïing khlem da pynshong nongrim; haba ka jingshlei um ka lynshop ïa kata ka ïing, ka khyllem shisyndon — bad katno ka jingkhyllem kaba shyrkhei kata ka la long!”

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

EPHESOS 2:20

Ïa phi ruh, la tei ha ka nongrim ba la buh da ki apostol bad ki nongïathuhlypa, u mawdong uba long U Khrist Jisu hi.

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.

DEUTERONOMI 32:18

Ki la klet ïa la U Blei, u nongpynim bakhrawbor jong ki, uta uba la ai ha ki ka jingim.

DEUTERONOMI 32:31

Ki nongshun jong ki, ki tip ba ki blei jong ki, ki tlot, kim long kiba donbor kum U Blei ki Israel.

2 TIMOTHI 2:19

Hynrei ïa ka nongrim baskhem kaba U Blei u la buh ym lah ban pynkhih; bad halor jong ka la thoh ïa kine ki ktien: “U Trai u ithuh ïa kito kiba dei ki jong u” bad “Baroh kiba ong ba ki dei ki jong U Trai ki dei ban phai noh na kaba leh bymdei.”

2 PETROS 1:10

Naba kumta, ko ki parabangeit jong nga, to pyrshang kham tyngeh ban pynlong ïa ka jingkhot jong U Blei bad ka jingjied jong u ïa phi, ka jingshem baneh junom; lada phi leh kumta, phin ym iehnoh da lei lei ïa ka jingngeit jong phi.

1 ÏOANNIS 2:28

Ho-oid, ko ki khun jong nga, to ïaisah ha u, khnang ba ynda u wanpaw, ngin long kiba dap da ka jingshlur bad ngim donkam ban rieh ha ka jinglehrain na u ha ka Sngi kaba u wan.

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —

1 SAMUEL 2:2

“Ym don uba khuid kum U Trai; ym don uba kum ma u, ym don nongïada uba kum U Blei jong ngi.