LOUKAS 6:38 - Khasi CL Bible (BSI)

³⁸ Ai ha kiwei, bad U Blei un ai ha phi. Da shisha, phin ïohpdiang ka jingthew kaba dap biang, ka jingai basbun, kaba la theh ha ki kti jong phi — baroh kata kaba phi lah ban bat. Ka jingthew kaba phi pyndonkam na ka bynta kiwei ka long kata kaba U Blei un pyndonkam ïa phi.”

KA BAIBL

³⁸ to ai, te yn sa ai ha phi ruh; ïa ka jingthew ka babha, ba la tynñian bad ba la kyr-ih, bad ba la shlei de, kin thep ha ka pla jong phi; naba da kajuh ka jingthew da kaba phi thew, yn thew pat ha phi.”

LOUKAS 6:38 ပူးပေါင်းရင်းမြစ်များ

2 SAMUEL 19:36

Ngam don hok ïa kaba kum kane ka bainong bakhraw. Kumta ngan shu leit on lynti ïa phi tang katto katne palat ïa ka Jordan.

ESTHER 7:10

Kumta ïa u Haman la sdien ha ka diengphasi kaba u la shna na ka bynta u Mordekai. Nangta ka jingbitar u syiem ka la long jai jai.

ESTHER 9:25

Hynrei ka Esther ka la leit sha u syiem bad u syiem u la pynmih ki hukum da ka jingthoh, kaba ka jingmih ka long ba u Haman u la shah ïa ka kupar kaba u la thmu na ka bynta ki Jiw — ma u bad ki khun shynrang jong u ki la shah sdien ha u diengphasi.

Ka Kitab U Job 42:11

Baroh ki hynmen ki para jong u Job, kynthei bad shynrang, bad ki paralok barim jong u, ki la wan jngoh ïa u bad ïabam sngewbha bad u ha ka ïing jong u. Ki la pynpaw ïa ka jingsngewlem jong ki bad ki pyngtngen ïa u namar ki jingjynjar baroh ba U Trai u la wallam halor jong u. Uwei pa uwei na ki u la ai katto katne ka pisa bad ka sati ksiar.

SALM 79:12

A Trai, to siew kylliang hynñiew shah ïa kiwei pat ki jaitbynriew na ka bynta ki jingrkhiebeiñ baroh kiba ki la shat ha me.

EKSODOS 21:24

ka khmat namar ka khmat, ka bniat namar ka bniat, ka kti namar ka kti, ka kjat namar ka kjat,

PROBERB 10:22

Ka dei ka jingkyrkhu U Trai kaba pynriewspah ïa phi. Ka jingtrei shitom kan ym lah ban kham pynriewspah ïa phi.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

PROBERB 22:9

To long sbun bad ïasam ïa ka jingbam jong phi bad kiba duk, phin long kiba la kyrkhu na ka bynta kata.

JEREMAÏAH 32:18

Me la pyn-i ïa ka jingieit baneh sha ki hajar, hynrei me pynshitom ruh ïa ki briew na ka bynta ki pop ki kmie ki kpa jong ki. Me long U Blei bakhraw bad badonbor; me long U Trai Badonbor Baroh.

MATHAÏOS 10:42

Phi lah ban sngewthikna ba uno uno uba ai dih wat shi khuri ka umkhriat ha uwei uba rit tam na kine ki nongbud jong nga namar ba u dei u nongbud jong nga, un ïohpdiang da shisha ïa ka bainong.”

MATHAÏOS 7:2

naba U Blei un bishar ïa phi ha kajuh ka rukom kumba phi bishar ïa kiwei pat, bad un pyndei ha phi ïa kijuh ki jingthew kiba phi pyndei ïa kiwei pat.

MARKOS 4:24

U la ong ruh ha ki, “To shahshkor ïa kaei kaba phi ïohsngew! Da kijuh ki aiñ kiba phi bishar ïa kiwei, U Blei un sa pyndonkam ban bishar ïa phi — hynrei wat da kaba kham eh.

LOUKAS 6:30

Ai ha uno uno uba pan na phi ïa kano kano, bad haba uno uno u shim ïa kaei kaba dei ka jong phi, wat pan shuh ïa ka.

DEUTERONOMI 15:10

Ai ha u da ka mon sngewbha bad khlem da khñium, te U Trai un kyrkhu ïa phi ha ki kam jong phi baroh.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

NONGBISHAR 1:7

U Adonibesek u ong, “Hynñiewphew ngut ki syiem ba la shah ot ki 'tikmie bad ki 'jatkmie ki hap ban tam jingbam na khrum miej jong nga. U Blei u la leh mynta ïa nga ïa kaei kaba nga la leh ïa ki.” La ïalam ïa u sha Jerusalem, ha kaba u la ïap.