LOUKAS 6:28 - Khasi CL Bible (BSI)

²⁸ kyrkhu ïa kito kiba tim ïa phi, bad duwai na ka bynta kito kiba lehbeiñ ïa phi.

KA BAIBL

²⁸ to kyrkhu ïa kita kiba tim ïa phi; duwai ruh na ka bynta kita kiba leh sniew ïa phi.

LOUKAS 6:28 ပူးပေါင်းရင်းမြစ်များ

1 SYIEM 13:6

U Syiem Jeroboam u ong ha u nongïathuhlypa, “Sngewbha duwai na ka bynta jong nga ha U Trai U Blei jong phi, bad kyrpad ba un pynkhiah ïa ka kti jong nga!” U nongïathuhlypa u la duwai ha U Trai, bad la pynkhiah ïa ka kti jong u syiem.

ESEKIEL 25:15

U Trai Nongsynshar u la ong, “Ki Philistia ki la pynhiarkput jubor ïa ki nongshun ba la slem bha bad ki la pynjot ïa ki ha ka jingshun jong ki.

ESEKIEL 36:5

“Ma nga, U Trai Nongsynshar, nga la kren ha ka jingbitar lep jong nga pyrshah ïa ki jaitbynriew kiba don sawdong bad khamtam pyrshah ïa ka Edom. Da kaba shadkmen bad da kaba leh ibeiñ, ki kurup ïa ka ri jong nga bad shim kynti ïa ki jaka phlang jong ka.

MATHAÏOS 5:44

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

LOUKAS 23:34

U Jisu u la ong, “Ko Pa, to map ïa ki! Kim tip ïa kaei kaba ki leh.” Ki la pynbynta ïa ki jaiñ jong u hapdeng jong ki hi da kaba kynting sbai.

LOUKAS 6:27

“Hynrei nga ong ha phi kiba shahshkor ïa nga: Ieit ïa ki nongshun jong phi, lehbha ïa kito kiba isih ïa phi,

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

KI KAM 14:5

Te katto katne ngut ki Jentil bad ki Jiw, ryngkat bad ki nongïalam jong ki, ki la ïakut ban lehbeiñ ïa ki apostol bad ban lynthem maw ïa ki.

KI KAM 7:60

U la dem khohsiew bad u la kyang da ka ktien bajam, “A Trai! wat kynmaw ïa kane ka pop pyrshah ïa ki!” U la ong ïa kane bad u la ïap.

Ka Shithi U Paul Sha Ki Nong Rom 12:14

To kyrpad ïa U Blei ban kyrkhu ïa kito kiba pynshitom ïa phi — ho-oid, to kyrpad ïa u ban kyrkhu, ym ban tim.

1 KORINTH 4:12

Haba la tim ïa ngi, ngi kyrkhu; haba la pynshitom ïa ngi, ngi ïaishah; haba la krenbeiñ ïa ngi, ngi pynphai kylliang da ki ktien kiba jem.

JAKOB 3:10

Ki kyntien jong ka jingsngewnguh bad ka jingtim ki mihnoh na kajuh ka shyntur. Ko parabangeit jong nga, kane kam dei ban jia.

1 PETROS 3:9

Wat siew kylliang ïa kaba sniew da kaba sniew lane ïa ka jingtim da ka jingtim; pynban, to siew kylliang da ka jingkyrkhu, namar ka jingkyrkhu ka long kaei kaba U Blei u la kular ban ai ïa phi mynba u la khot ïa phi.