LOUKAS 6:27 - Khasi CL Bible (BSI)

²⁷ “Hynrei nga ong ha phi kiba shahshkor ïa nga: Ieit ïa ki nongshun jong phi, lehbha ïa kito kiba isih ïa phi,

KA BAIBL

²⁷ “Hynrei, nga ong ha phi kiba sngew: To ieit ïa ki nongshun jong phi; to leh bha ïa kita kiba bishni ïa phi;

LOUKAS 6:27 ပူးပေါင်းရင်းမြစ်များ

1 SYIEM 13:6

U Syiem Jeroboam u ong ha u nongïathuhlypa, “Sngewbha duwai na ka bynta jong nga ha U Trai U Blei jong phi, bad kyrpad ba un pynkhiah ïa ka kti jong nga!” U nongïathuhlypa u la duwai ha U Trai, bad la pynkhiah ïa ka kti jong u syiem.

PROBERB 24:17

Wat sngewkmen haba u nongshun jong phi u ïakynduh ïa ka jingjot, bad wat lehkmen haba u jynthut.

PROBERB 25:2

Ngi burom ïa U Blei namar kaei kaba u la buhrieh; ngi burom ïa ki syiem ïa kaei kaba ki batai.

MARKOS 4:24

U la ong ruh ha ki, “To shahshkor ïa kaei kaba phi ïohsngew! Da kijuh ki aiñ kiba phi bishar ïa kiwei, U Blei un sa pyndonkam ban bishar ïa phi — hynrei wat da kaba kham eh.

LOUKAS 23:34

U Jisu u la ong, “Ko Pa, to map ïa ki! Kim tip ïa kaei kaba ki leh.” Ki la pynbynta ïa ki jaiñ jong u hapdeng jong ki hi da kaba kynting sbai.

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

LOUKAS 8:15

Ki symbai kiba la hap ha ka khyndew babha ki ïeng na ka bynta kito kiba ïohsngew ïa ka khubor bad kiba bat ïa ka ha ka dohnud kaba bha bad kaba kohnguh, bad ki ïaineh tad haduh ba kin da seisoh.

LOUKAS 8:18

“Da phikir, te, kumno phi pynshahshkor; namar ha uno uno uba don yn ai kham bun shuh, hynrei ha uno uno u bym don, un shah shim noh na u wat ïa kata kaba rit tam kaba u pyrkhat ba u don.”

LOUKAS 8:8

Bad katto katne ki symbai ki la hap ha ka khyndew babha; ki jingthung ki la san bad ki la pynmih symboh, da ki spah symboh uwei uwei.” Bad U Jisu u la pynkut, “Shahshkor, te, lada phi don ki shkor!”

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 16:28

Hynrei u Paul u la pyrta da ka ktien kaba jam, “Wat pynmynsaw ïa lade. Ngi baroh ngi don hangne!”

KI KAM 7:60

U la dem khohsiew bad u la kyang da ka ktien bajam, “A Trai! wat kynmaw ïa kane ka pop pyrshah ïa ki!” U la ong ïa kane bad u la ïap.

GALATIA 6:10

Kumta, katba ngi dang ïohlad bunsien, ngi dei ban lehbha iwei ïa iwei, bad khamtam ïa kito kiba na ka longïing ka jingngeit.

1 THESSALONI 5:15

Khmih ba uno uno un ym siew kylliang ïa kaba sniew da kaba sniew, hynrei ha ki por baroh to kut jingmut ban lehbha iwei ïa iwei pat bad ïa ki briew baroh.

3 ÏOANNIS 1:11

Ko paralok ba-ieit jong nga, to wat pyrthuh bud ïa kaei kaba sniew, hynrei to pyrthuh bud ïa kaei kaba bha. Uno uno uba leh ïa kaba bha u long u jong U Blei; uno uno uba leh ïa kaei kaba sniew um pat shym la ïohi ïa U Blei.