LOUKAS 6:25 - Khasi CL Bible (BSI)

²⁵ Katno kaba shyrkhei ïa phi kiba pahuh mynta; phin sa thngan! Katno kaba shyrkhei ïa phi kiba rkhie mynta; phin sngewsih bad phin ïam!

KA BAIBL

²⁵ “Kordit ïa phi, kiba la dap mynta! naba phin thngan. Kordit ïa phi, kiba rkhie mynta! naba phin sngewsih bad phin ïam de.

LOUKAS 6:25 ပူးပေါင်းရင်းမြစ်များ

SALM 49:19

un ïadon lang bad ki kpa tymmen jong u baroh ha ka jingïap, ha kaba ka jingdum ka neh junom.

PROBERB 14:13

Ka jingrkhie ka lah ban buhrieh ïa ka jingkhuslai. Haba ka jingkmen ka la jah, ka jingsngewsih ka dang ïai don hangta.

PROBERB 30:9

Lada nga ïoh palat, nga lah ban ong ba ngam donkam ïa me. Hynrei lada nga kyrduh pat, nga lah ban tuh bad pynjahburom ïa U Blei jong nga.

EKLESIASTIS 2:2

Nga la shem ba ka jingrkhie ka dei ka jingbieit, ba ka jingsngewbha kam wanrah kaei kaei kaba bha ïa phi.

EKLESIASTIS 7:3

Ka jingsngewsih ka kham bha ban ïa ka jingrkhie; ka lah ban pynsngewsih ïa ka durkhmat jong phi, hynrei ka pynnep ïa ka jingshemphang jong phi.

EKLESIASTIS 7:6

Haba u bieit u rkhie, ka long kum ka jingsawa ki dieng shiah ha ka ding. Kam don jingmut ei ei.

ISAÏAH 28:7

Wat ki nongïathuhlypa bad ki lyngdoh ki buaid bha bad ki ïaid sheng sheng. Ki la dih waiñ bad dih kyiad haduh katta katta haduh ba ki jynthut kulmar. Ki nongïathuhlypa ki ïabuaid haduh katta katta ba kim sngewthuh shuh ïa ki jingïohipaw ba U Blei u phah, bad ki lyngdoh ki buaid haduh ba kim lah shuh ban ai jingrai ïa ki kam ba la wanrah ha ki.

ISAÏAH 65:13

Bad kumta ngan ïathuh ïa phi ba kito kiba mane bad kohnguh ïa nga kin ïoh kyrhai ban bam ban dih, hynrei phi phin thngan bad phin sliang. Ma ki kin shadkmen hynrei ma phi phin jahburom.

ISAÏAH 8:21

Ki briew kin ïaid sakma lyngba ka ri, kiba la noh mynsiem bad thngan. Ha ka jingthngan bad jingbitar jong ki, kin tim ïa u syiem jong ki bad ïa U Blei jong ki. Ki lah ban khmih sha ka sahit bneng

ISAÏAH 9:20

Hangno hangno hapoh jong ka ri, ki briew ki knieh kynthet bad ki bam ïa kano kano ka jingbam kaba ki lah ban shem, hynrei ïa ka jingthngan jong ki ym lah da lei lei ban pynkdang. Ki da bam ruh wat ïa ki khun jong ki hi!

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

LOUKAS 13:28

A katno phin ïam bad kyr-iat ïa la ki bniat haba phi ïohi ïa u Abraham, u Isaak, bad u Jakob, bad baroh ki nongïathuhlypa ha ka Hima U Blei, katba ïa phi la bret noh shabar!

LOUKAS 6:24

“Hynrei katno kaba shyrkhei ïa phi kiba riewspah mynta; phi la lah ïoh ïa ka jingim suk!

LOUKAS 6:26

“Katno kaba shyrkhei haba baroh ki briew ki kren bha shaphang jong phi; ki kpa tymmen jong ki, ki la kren ïa kijuh kiei kiei shaphang ki nongïathuhlypa lamler.”

LOUKAS 8:53

Baroh ki la rkhie ïa u, namar ki la tip ba ka la ïap.

EPHESOS 5:4

Lymne kam long kaba dei ïa phi ban pyndonkam ïa ka ktien kaba khlem akor, kren thala, ne krensih, pynban, phi dei ban ainguh ïa U Blei.

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.

JAKOB 4:9

To leh sngewsih, to ïam, bad to ïamkthang; to pynlong ïa ka jingrkhie ban kylla sha ka jingïam, ka jingkmen sha ka jingsngewdiaw!

JINGPYNPAW 3:17

Pha ong, ‘Nga long kaba riewspah bad kaba dap babiang; nga don baroh kaba nga donkam.’ Hynrei pham tip haduh katno pha long kaba lanot bad kaba isynei ban khmih! Pha long kaba duk, kaba lyngkhuit, bad kaba matlah.

1 SAMUEL 2:5

Kito kiba la im pahuh pahai shisien mynta ki leit bylla ban ïoh bam, hynrei kito kiba thngan kim thngan shuh. Ka briew kaba lyngki ka ïoh khun hynñiew ngut, hynrei ka kmie kaba bun ki khun ka sah marwei.