LOUKAS 6:21 - Khasi CL Bible (BSI)

²¹ Suk ma phi kiba thngan mynta; yn pyndap ïa phi! Suk ma phi kiba ïam mynta; phin rkhie!

KA BAIBL

²¹ “Suk ma phi kiba shah thngan mynta; naba yn pynkdang ïa phi. Suk ma phi kiba ïam mynta; naba phin rkhie.

LOUKAS 6:21 ပူးပေါင်းရင်းမြစ်များ

JENESIS 17:17

U Abraham u dem ngon ha khyndew, hynrei u la sdang ban rkhie haba u pyrkhat, “Hato u briew u lah mo ban ïoh khun haba u la don shispah snem ka rta? Hato ka Sarah ka lah mo ban ïoh khun haba ka la don khyndaiphew snem ka rta?”

JENESIS 21:6

Ka Sarah ka ong, “U Blei u la wanrah ka jingkmen bad ka jingrkhie ïa nga. Kat kiba ïohsngew ïa kane kin ïa-rkhie bad nga.”

SALM 107:9

U la pynhun ïa kito kiba sliang bad pyndap ïa kiba thngan da kiei kiei kiba bha.

SALM 119:136

Ki ummat jong nga ki tuid kum ka wah, namar ki briew kim kohnguh ïa ka aiñ jong me.

SALM 143:6

Nga rah ïa ki kti sha me ha ka jingduwai; kum ka khyndew ba-tyrkhong ka mynsiem jong nga ka sliang ïa me.

SALM 17:15

Hynrei nga, ngan ïohi ïa me, namar ngam shym leh kaei kaei kaba bakla; bad haba nga kyndit, ka jingdon ryngkat ka jong me kan pyndap ïa nga da ka jingkmen.

SALM 28:7

U Trai u ïada bad u kyrshan ïa nga; nga shaniah ha u. U ai jingïarap ïa nga bad pynsngewbha ïa nga; ngan ïaroh ïa u bad ki jingrwai kmen.

SALM 65:4

Suk kito kiba me la jied, kito kiba me la wallam ban shong ha ka jaka kyntang jong me. Yn pynkdang ïa ngi da kiei kiei kiba bha jong ka ïing jong me, ki jingkyrkhu jong ka Templ bakyntang jong me.

ISAÏAH 25:6

Hangne halor u Lum Seïon, U Trai Badonbor Baroh un pynkhreh ka jingkhawai bah na ka bynta ki jaitbynriew baroh jong ka pyrthei — ka jingkhawai bah da ki jingbam bakyrhai eh bad ka waiñ bakynsai tam.

ISAÏAH 30:19

Ko phi ki briew kiba shong basah ha Jerusalem phin ym ïam shuh lano lano ruh. U Trai u long uba sngewsynei, bad haba phi kyang sha u ban ïoh jingïarap, un jubab ïa phi.

ISAÏAH 66:10

To shadkmen bad ka Jerusalem; to lehkmen na ka bynta jong ka, phi baroh kiba ieit ïa kane ka nongbah! To shadkmen bad ka, mynta phi baroh kiba la ïam pangnud na ka bynta jong ka!

JEREMAÏAH 13:17

Lada phin ym shahshkor, ngan ïam ha kaba jar jar namar ka jingsarong jong phi; ngan ïamkthang eh, bad ki ummat jong nga kin tuid namar ki briew jong U Trai ki la shah ring noh kum ki mraw.

JEREMAÏAH 31:25

Ngan pynthymmai bor ïa kito kiba la thait bad pynhun da ka jingbam ïa baroh kiba la tlot na ka jingthngan.

JEREMAÏAH 31:9

Ki briew jong nga kin wan phai da kaba ïam, da kaba duwai katba nga ïalam ban wan phai pat. Ngan ïalam ïa ki sha ki wahduid, ha ka lynti kaba beit ha kaba kin ym jynthut. Nga long kum u kpa ïa ki Israel, bad u Ephraim u long u khun banyngkong eh jong nga.”

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

ESEKIEL 7:16

Ki don ki ban phet ïap sha ki lumbah kumba ki lyngdkhur kiba sheptieng na ki jaka them. Baroh na ki kin ïam sngewsih namar ki pop jong ki.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

MATHAÏOS 5:4

Suk kito kiba sngewsih; U Blei un pyntngen ïa ki!

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

LOUKAS 1:53

U la pyndap ïa kiba thngan da kiei kiei kiba bha, bad u la phah noh thylli ïa kiba riewspah.

LOUKAS 6:20

U Jisu u la khmih ha la ki synran bad u la ong, “Suk phi kiba duk; ka Hima U Blei ka long ka jong phi!

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

LOUKAS 6:25

Katno kaba shyrkhei ïa phi kiba pahuh mynta; phin sa thngan! Katno kaba shyrkhei ïa phi kiba rkhie mynta; phin sngewsih bad phin ïam!

ÏOANNIS 11:35

U Jisu u la ïam.

ÏOANNIS 4:10

U Jisu u la jubab, “Lada pha tang shu la tip ïa kaei kaba U Blei u ai bad uei uta uba pan umdih na pha, phan jin da la pan na u, bad u un jin da la ai ha pha ïa ka um kaba ai jingim.”

ÏOANNIS 6:35

“Nga, nga long u kpu ka jingim,” U Jisu u la ïathuh ïa ki. “Kito kiba wan sha nga da lei lei kin ym thngan; kito kiba ngeit ha nga da lei lei kin ym sliang.

1 KORINTH 4:11

Haduh kane hi ka khyllipmat ngi shahthngan bad ngi sliang; la pynkup ha ngi da ki jaiñjot; la shohbeiñ ïa ngi; ngi ïaidwir na kawei ka jaka sha kawei pat; ngi la thait la jrem ïa lade na ka jingtrei shitom.

2 KORINTH 11:27

Nga la thait na ka jingtrei shitom; bunsien ngam ju ïohthiah; nga la thngan bad sliang; bunsien ngam shym la don ka jingbam kaba biang, ka jakarieh, lane khlem jaiñkup.

2 KORINTH 12:10

Nga sngewhun ha ki jingtlot, ki jingkrenbeiñ, ki jingjynjar, ki jingshah pynshitom, bad ki jingeh na ka bynta U Khrist. Naba haba nga tlot, dei hangta ba nga khlaiñ.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.

JINGPYNPAW 7:16

Lano lano ruh kin ym thngan ne kin ym sliang; ka sngi lymne ka jingshit kyr-ang kan ym thang ïa ki, namar U Khunlangbrot, uba don hapdeng jong ka khet, un long u nongaplangbrot jong ki, bad un ïalam ïa ki sha ki umpohliew jong ka um ba ai jingim. Bad U Blei un ñiad noh ïa ki ummat baroh na ki khmat jong ki.”