LOUKAS 6:20 - Khasi CL Bible (BSI)

²⁰ U Jisu u la khmih ha la ki synran bad u la ong, “Suk phi kiba duk; ka Hima U Blei ka long ka jong phi!

KA BAIBL

²⁰ U te haba u la peit la ki khmat ha ki synran jong u, u la ong, “Suk ma phi ki baduk; naba ka jong phi long ka hima U Blei.

LOUKAS 6:20 ပူးပေါင်းရင်းမြစ်များ

SALM 37:16

Kaba khyndiat ba u briew bahok u don ka kham kordor shibun ban ïa ka spah jong ki bymman baroh.

PROBERB 16:19

Ka kham bha ban long uba sngewrit bad sah duk ban ïa kaba long uba meng bad ïoh bynta na ka jinglute jong ki.

PROBERB 19:1

Ka kham bha ban long uba duk hynrei uba beit ban ïa kaba long u bieit uba shukor.

ISAÏAH 29:19

Ki briew kiba duk bad kiba rit kyrdan kin shem pat ïa ka jingsuk kaba U Trai, U Blei Bakhuid jong ki Israel, un ai.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

SEPHANAÏAH 3:12

Ngan ieh hangta ïa ki briew kiba sngewrit bad kiba duk, ki ban wan sha nga na ka bynta ka jingïarap.

SEKHARAÏAH 11:11

Kumta ïa ka jutang la pyndam noh ha kata ka sngi. Kito kiba la thied bad die ïa ki langbrot ki ap khmih ïa nga, bad ki tip ba U Trai u la kren lyngba kaei kaba nga la leh.

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MATHAÏOS 5:1

U Jisu u la ïohi ïa ki paidbah bad u la kiew sha u lum, ha uba u la shong. Ki synran jong u ki la ïalum sawdong ïa u,

LOUKAS 12:32

“Wat sheptieng, ko kynhun barit, naba U Kpa jong phi u la sngewbha ban ai ha phi ïa ka Hima.

LOUKAS 13:28

A katno phin ïam bad kyr-iat ïa la ki bniat haba phi ïohi ïa u Abraham, u Isaak, bad u Jakob, bad baroh ki nongïathuhlypa ha ka Hima U Blei, katba ïa phi la bret noh shabar!

LOUKAS 14:15

Haba uwei na ki rangbah kiba ïashong bam u la ïohsngew ïa kane, u la ong ha U Jisu, “A katno kiba kmen long kito kiba shong ha ka jingkhawai ha ka Hima U Blei!”

LOUKAS 16:25

“Hynrei, u Abraham u la ong, ‘To kynmaw, ko khun jong nga, ba ha ka por ka jingim jong me la ai ha me ïa baroh kiei kiei kiba bha, katba u Lasaros u la ïohpdiang ïa kiei kiei baroh kiba sniew. Hynrei mynta u lehkmen ïa lade hangne, katba me don ha ka jingshitom.

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

2 KORINTH 6:10

Wat haba la pynshitom, ym shym la pynïap; wat haba la pynsngewsih, ngi long borabor kiba kmen; ngi paw kum kiba duk, hynrei ngi pynriewspah ïa ki briew kiba bun; ngi paw kum ki bym don ei ei, pynban ngi don lut ïa kiei kiei baroh.

2 KORINTH 8:2

Ki la shah tynjuh palat da ki jingjynjar kiba ki la ïaid lyngba; hynrei ka jingkmen jong ki ka la long kaba khraw haduh katta katta ba ki la long kiba sbun shikatdei eh ha ka jingai jong ki, wat la ki long kiba duk shisha.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

1 THESSALONI 1:6

Phi la pyrthuh bud ïa ngi bad ïa U Trai; wat la phi la shahshitom shikatdei eh, phi la pdiang ïa ka khubor da ka jingkmen kaba wan na U Mynsiem Bakhuid.

2 THESSALONI 1:5

Kane baroh ka pynshisha ba ka jingbishar ka jong U Blei ka long kaba hok, bad kumta phin long kiba bit na ka bynta ka Hima jong u, kaba na ka bynta jong ka phi shahshitom.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.