LOUKAS 6:13 - Khasi CL Bible (BSI)

¹³ Haba ka la shai, u la khot ïa la ki synran sha u bad u la jied khat-ar ngut na ki, ïa kiba u la ai kyrteng, ki apostol:

KA BAIBL

¹³ Ynda la mih ka sngi te, u la khot ïa ki synran jong u; na ki te u la jied khat-ar ngut, ïa kita ruh u la khot “Apostol”,

LOUKAS 6:13 ပူးပေါင်းရင်းမြစ်များ

MATHAÏOS 10:2

Kine ki long ki kyrteng jong ki khat-ar ngut ki apostol: uba nyngkong, U Simon (ïa uba la khot u Petros) bad u para jong u, u Andriw; u Jakob bad u para jong u, u Ïoannis, ki khun jong u Sebedi;

MATHAÏOS 19:28

U Jisu u la ong ha ki, “Phi lah ban thikna ba haba U Khun U Briew u shong ha ka khet badonburom jong u ha ka Ïa kaba thymmai, te ma phi ki khat-ar ngut ki nongbud jong nga phin ïashong ruh ha ki khet, ban synshar ïa ki khat-ar ki jait Israel.

MATHAÏOS 9:36

Haba u la ïohi ïa ki paidbah, la pyndap ïa ka dohnud jong u da ka jingsngewsynei na ka bynta jong ki, namar ki la khuslai bad kim lah ban leh ei ei, kum ki langbrot khlem u nongsharai.

MARKOS 6:30

Ki apostol ki la wan phai bad ki la ïakynduh ïa U Jisu; bad ki la ïathuh ha u ïa baroh kaba ki la leh bad la hikai.

MARKOS 6:7

U la khot lang ïa ki khat-ar ngut ki synran bad u la phah ïa ki ar ngut ar ngut. U la ai ïa ki ka bor halor ki mynsiem bymkhuid

LOUKAS 11:49

Na kane ka daw ka Jingstad jong U Blei ka la ong, ‘Ngan phah ha ki ïa ki nongïathuhlypa bad ïa ki nonglamktien; kin pynïap katto katne ngut na ki bad kin pynshitom beiñ ïa kiwei pat.’

LOUKAS 22:30

Phin bam bad dih ha ka miej jong nga ha ka Hima jong nga, bad phin shong halor ki khet ban synshar halor ki khat-ar jait ki Israel.

LOUKAS 6:14

U Simon (ïa uba u la ai kyrteng, u Petros) bad u Andriw u para jong u, u Jakob bad u Ïoannis, u Philip bad u Bartholomai,

ÏOANNIS 4:33

Kumta ki synran ki la sdang ban ïakylli para ma ki hi, “Hato la don mano mano ba la wanrah jingbam ïa u?”

KI KAM 1:13

Ki la rung sha ka nongbah bad ki la leit sha ka kamra ha kaba ki la sah: U Petros, u Ïoannis, u Jakob bad u Andriw, u Philip bad u Thomas, u Bartholomai bad u Matthaïos, u Jakob u khun jong u Alphaïos, u Simon u Riew-ieit Ri, bad u Judas u khun jong u Jakob.

EPHESOS 2:20

Ïa phi ruh, la tei ha ka nongrim ba la buh da ki apostol bad ki nongïathuhlypa, u mawdong uba long U Khrist Jisu hi.

EPHESOS 4:11

U la long ma u, uba “la ai ki jingai sngewbha ha u bynriew;” u la thung katto katne ngut ban long ki apostol; ïa kiwei, ki nongïathuhlypa; ïa kiwei, ki nongïalap; ïa kiwei pat, ki nongsharai balang bad ki nonghikai.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

2 PETROS 3:2

Nga kwah ïa phi ban kynmaw ïa ki ktien ïa kiba la kren lah slem bah da ki nongïathuhlypa bakhuid, bad ïa ka hukum na U Trai bad U Nongpynim ïa kaba la ai ha phi da ki apostol.

JINGPYNPAW 12:1

Nangta ka dak kaba khraw bad kaba maïan ka la paw ha ka sahit bneng. La don ka briew, kaba ka jaiñphong jong ka, ka long ka sngi bad kaba don u bnai hapoh ki kjat jong ka bad ka pansngiat ki khat-ar tylli ki khlur halor ka khlieh jong ka.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 21:14

Ïa ka kynroh jong ka nongbah la tei halor ki khat-ar tylli ki maw nongrim, kiba halor jong ki la thoh ïa ki kyrteng jong ki khat-ar ngut ki apostol jong U Khunlangbrot.