LOUKAS 6:12 - Khasi CL Bible (BSI)

¹² Ha kata ka por, U Jisu u la leit kiew sha u kum ban duwai bad ban pynlut baroh shi miet hangta da kaba duwai ha U Blei.

KA BAIBL

¹² Ka la jia ruh ha kita ki sngi, ba u la leit noh sha u lum ban duwai; u la sah ruh baroh shi miet ha ka jingduwai ha U Blei.

LOUKAS 6:12 ပူးပေါင်းရင်းမြစ်များ

SALM 22:2

Ha ka por mynsngi nga la khot kyrpad sha me, U Blei jong nga, hynrei mem shym la jubab; ha ka por miet nga kyrpad ïa me hynrei ngam ïoh jingjahthait.

ISAÏAH 26:9

Mynmiet nga thrang ïa me da ka dohnud jong nga baroh; haba me bishar ïa ka pyrthei bad ki briew jong ka, baroh kin tip kaei ka long ka jingbishar hok.

DANIEL 6:10

Haba u Daniel u la tip ba ïa ka hukum la lah soi, u la leit sha ïing. Ha ka kamra kaba haneng jong ka ïing jong u la don ki jingkhangïit kiba phai sha Jerusalem. Hangta, kumba u la ju ïai leh, u la dem khohsiew ha ki jingkhangïit ba la plie bad u duwai sha U Blei lai sien shi sngi.

MATHAÏOS 5:1

U Jisu u la ïohi ïa ki paidbah bad u la kiew sha u lum, ha uba u la shong. Ki synran jong u ki la ïalum sawdong ïa u,

MATHAÏOS 6:6

Hynrei haba phi duwai, to leit sha ka kamra jong phi, khang ïa ka jingkhang, bad duwai sha U Kpa jong phi, ïa uba ym lah ban ïohi. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

MARKOS 1:35

Dang step phyrngab ha ka sngi kaba bud, slem shuwa ban shai, U Jisu u la ïeng bad mihnoh na ka ïing. U la mihnoh na ka shnong sha ka jaka bakynjah, hangta u la duwai.

MARKOS 3:13

Nangta U Jisu u la leit sha u lum bad u la khot bad u ïa ki rangbah kiba u kwah.

MARKOS 6:46

Hadien ba u la khublei ïakhlad ïa ki briew, u la leit noh sha u lum ban duwai.

LOUKAS 5:16

Hynrei u ju leit noh sha ki jaka kynjah, ha kaba u la duwai.

LOUKAS 6:11

La pyndap ïa ki da ka jingbitar shla bad ki la sdang ban ïaphylliew jingmut para ma ki ïa kaei ba ki lah ban leh ïa U Jisu.

LOUKAS 6:17

Haba U Jisu u la wan hiar na u lum lem bad ki apostol, u la ïeng ha ka jaka madan lem bad kiba bun ki synran jong u. U paid byllien u la don hangta na kylleng ka Judia bad na Jerusalem bad na ki nongbah Tyros bad Sidon kiba harud duriaw;

LOUKAS 9:18

Ha kawei ka sngi mynba U Jisu u dang duwai marwei, ki synran ki la wan ha u. “Ki paidbah ki ong ba nga long uei?” U la kylli ïa ki.

LOUKAS 9:28

Kumba shi taïew hadien ba u la kren ïa kine kiei kiei, U Jisu u la ïalam lem bad u ïa u Petros, u Ïoannis bad ïa u Jakob bad leit sha u lum ban duwai.

LOUKAS 9:29

Katba u dang duwai, ka durkhmat jong u ka la kylla dur, bad ki jaiñ jong u ki la kylla lieh phyrnai.

ÏOANNIS 6:3

U Jisu u la kiew sha u lum bad hangta u la shong bad la ki synran.

KOLOSSAI 4:2

To ïaineh skhem ha ka jingduwai, bad to sharai haba phi duwai, da kaba ainguh ïa U Blei.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

1 SAMUEL 15:11

“Nga sngewsih ba nga la pynlong syiem ïa u Saul; u la phai noh na nga bad um shym la kohnguh ïa ki hukum jong nga.” U Samuel u la bitar, bad baroh shi miet u la ïasaid tyngeh bad U Trai.