LOUKAS 5:8 - Khasi CL Bible (BSI)

⁸ Haba u Simon Petros u la ïohi ïa kaei kaba lah jia, u la dem khohsiew ha khmat U Jisu bad u la ong, “Khie leit noh na nga, ko Trai! Nga long u briew uba pop!”

KA BAIBL

⁸ Te u Simon Petros haba u la ïohi ïa kane, u la dem khrup ha ki khohsiew U Jisu, u da ong, “To khie leit noh na nga; naba nga long u briew u bapop, A Trai.”

LOUKAS 5:8 ပူးပေါင်းရင်းမြစ်များ

2 SAMUEL 6:9

Nangta u Dabid u la sheptieng ïa U Trai bad u ong, “Mynta kumno ngan lah ban shim ïa ka Synduk ka Jutang U Trai?”

1 SYIEM 17:18

Ka ong ha u Elijah, “A u briew jong U Blei, balei me leh ïa kane ha nga? Hato me wan hangne ban pynkynmaw ïa U Blei ïa ki pop jong nga bad pynjia ïa ka jingïap u khun jong nga?”

EKSODOS 20:19

Ki ong ha u Moses, “Lada phi kren ha ngi, ngin shahshkor; hynrei ngi sheptieng ba lada U Blei u kren ha ngi, ngin ïap.”

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

MATHAÏOS 17:6

Haba ki synran ki la ïohsngew ïa ka sur, ki la sheptieng haduh katta katta ba ki la dem khrup la ki durkhmat sha khyndew.

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

MATHAÏOS 8:8

“O em, ko Kynrad,” la jubab u rangbah pynïaidkam. “Ngam long uba dei hok ba phin wan shapoh ka ïing jong nga. Shu ai hukum, bad u shakri jong nga un ïohkhiah.

LOUKAS 5:7

Kumta ki la ai dak ïa ki paralok jong ki kiba ha kawei pat ka lieng ban wan bad ïarap ïa ki. Ki la wan bad pyndap smam ïa ki lieng baroh ar tylli da ki dohkha, ba ki lieng ki la jan ngam.

LOUKAS 5:9

Ma u bad kiwei pat kiba don lem bad u ki la sngewphylla ïa ka jingbun palat ki dohkha kiba ki la ïoh tong.

ÏOANNIS 11:32

Ka Mari ka la poi ha ka jaka ha kaba U Jisu u la don, bad mar ïa-ïohi ïa u, ka la dem khrup ha ki kjat jong u. “Ko Trai,” ka la ong, “lada men jin da la don hangne, u para jong nga un ym jin da la ïap!”

1 KORINTH 13:12

Kaei kaba ngi ïohi mynta ka long kum ka dur kaba byrngut ha ka ïitkhmih; nangta ngin sa ïohi markhmat. Kaei kaba nga tip mynta ka long tang katto katne; nangta kan sa long kaba dap pura — kaba dap pura kum ka jingtip jong U Blei ïa nga.

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.

NONGBISHAR 13:22

U Manoah u ong ha la ka tnga, “Ngin sa ïap shisha, namar ba ngi la ïohi ïa U Blei!”

1 SAMUEL 6:20

Kumta ki rangbah na Beth Shemesh ki ïa-ong, “Uei uba lah ban ïeng ha khmat U Trai, une U Blei uba Khuid? Shano ngi lah ban phah ïa u ba un lait noh na ngi?”