LOUKAS 5:36 - Khasi CL Bible (BSI)

³⁶ U Jisu u la ïathuh ha ki ïa kane ka pharshi: “Ym don uno uno uba tar ïa ka lyngkhot jaiñ bathymmai ban syrdep ïa ka jaiñkup kaba rim. Lada u leh kumta, un tar ïa ka jaiñ bathymmai, bad kata ka lyngkhot jaiñ bathymmai kan ym ïadei ïa kaba rim.

KA BAIBL

³⁶ Te u la kren ïa ka pharshi ruh ha ki: “Ym don uba tar shi lyngkhot na ka jaiñkup thymmai ïa ka ban syrdep ïa ka jaiñkup barim; ne un pynkad ïa kata ka bathymmai, bad kata ka shi lyngkhot ruh kaba na kata ka bathymmai kam ïadei putet bad kata ka barim.

LOUKAS 5:36 ပူးပေါင်းရင်းမြစ်များ

LEBITIKOS 19:19

“Kohnguh ïa ki hukum jong nga. Wat shah ba ki jingri jong phi kin ïapoi kha bad ki bym dei na kajuh ka jait. Wat thung ha kajuh ka lyngkha ar jait u symbai. Wat phong ïa ka jaiñ kaba la suh da ki ar jait ki ksai.

LOUKAS 5:35

Hynrei ka sngi kan poi haba ïa u nongleitkurim yn shim noh na ki, bad kumta kin sa shahjingit.”

LOUKAS 5:37

Lymne ba uno uno un theh ïa ka waiñ bathymmai ha ki lwa snieh ba la pyndonkam, namar ka waiñ bathymmai kan pynpdang ïa ki snieh, ka waiñ kan tuid shabar, bad ïa ki snieh yn pynjot.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

DEUTERONOMI 22:11

“Wat phong ïa ka jaiñ ba la thain lang da u 'saiwul bad u 'sai linen.