LOUKAS 5:30 - Khasi CL Bible (BSI)

³⁰ Katto katne ngut ki Pharisi bad katto katne ngut ki nonghikai ka Hukum kiba dei ki jong ka kynhun jong ki, ki la khñium ha ki synran jong U Jisu. “Balei ba phi ïabam bad ïadih bad ki nonglum khajna bad kiwei pat kiba la shah kyntait?” Ki la kylli.

KA BAIBL

³⁰ Te ki Pharisi bad ki nongthoh jong ki, ki la ïakren khñium ïa ki synran jong U, ki da ong, “Balei ba phi ïabam ïadih ryngkat bad ki nongkhrong bad ki bapop ruh?”

LOUKAS 5:30 ပူးပေါင်းရင်းမြစ်များ

ISAÏAH 65:5

Bad nangta ki ong ïa kiwei pat, ‘To ïeng jngai na ngi, naba ngi long kiba khuid shaba palat ym bit ban ktah ïa ngi!’ Ngam lah ban shah ïa ki briew kiba kum kita — ka jingbitar jong nga pyrshah ïa ki ka long kum ka ding ka bym ju lip shuh.

MATHAÏOS 5:46

Balei U Blei un ainong ïa phi lada phi ieit tang ïa ki briew kiba ieit ïa phi? Wat ki nonglum khajna ki leh ïa kata!

MATHAÏOS 9:11

Katto katne ki Pharisi ki la ïohi ïa kane bad ki la kylli ïa ki synran jong u, “Balei u nonghikai jong phi u ïabam lem bad kiba kum kine ki briew?”

MARKOS 2:16

Katto katne ngut na ki nonghikai ka Hukum, kiba long ki Pharisi, ki la ïohi ïa U Jisu ba u ïabam bad kine ki briew ba la shah kyntait lem bad ki nonglum khajna, kumta ki la kylli ïa ki synran jong u, “Balei ba u ïabam lang bad kum kine ki briew?”

MARKOS 7:3

(Na ka bynta ki Pharisi, kumjuh ruh na ka bynta ki Jiw baroh, ki bud ïa ka jinghikai kaba ki la ïoh na ki kpa tymmen jong ki: Kim ju bam lymda ki sait ïa la ki kti ha ka rukom kaba dei;

MARKOS 9:16

U Jisu u la kylli ïa ki synran jong u, “Shaphang kaei phi ïania bad ki?”

LOUKAS 18:11

“U Pharisi u la ïeng kyrpang la ka jong hi bad u la duwai, ‘Nga ainguh ïa me, a Blei, ba ngam long uba lalot, u bymhok, lane uba klim, kum uno uno uwei pat. Nga ainguh ba ngam long kum utai u nonglum khajna hangtai.

LOUKAS 19:7

Baroh ki briew kiba la ïohi ïa kata ki la sdang ban khñium, “Une u briew u la leit kum uba shah khot sngewbha sha ka ïing jong u nongpop!”

LOUKAS 5:17

Ha kawei ka sngi mynba U Jisu u dang hikai, katto katne ngut ki Pharisi bad ki nonghikai ka Hukum kiba la wan na kawei pa kawei ka shnong na Galilaïa bad Judia bad na Jerusalem; ki la ïashong hangta. Ka bor jong U Trai ka la don na ka bynta U Jisu ban pynkhiah ïa kiba pang.

LOUKAS 5:21

Ki nonghikai ka Hukum bad ki Pharisi ki la sdang ban ïakren para ma ki, “Uei une u briew uba kren kum kane ka jingkrenbeiñ Blei! U Blei u long tang ma u hi uba lah ban map ïa ki pop!”

LOUKAS 7:34

U Khun U Briew u la wan, bad u la bam bad u la dih, bad phi la ong, ‘Khmih ïa une u briew! U long u lalot bad u nongbuaid, u paralok jong ki nonglum khajna bad kiwei pat kiba la shah kyntait!’

LOUKAS 7:39

Haba u Pharisi u la ïohi ïa kane, u la ong ha lade, “Lada une u briew u dei shisha u nongïathuhlypa, un da la tip kaba kumno kane ka briew ka long kaba ktah ïa u; un da la tip ka jait jingim bapop kaba kumno ka la im!”

KI KAM 23:9

Ka jingpyrta ka la kham jam, bad katto katne ngut na ki nonghikai ka Hukum kiba dei ki jong ka kynhun ki Pharisi ki la ïeng bad ki la pyrshah jur: “Ngim shem kano kano kaba bakla bad une u briew! Lehse u mynsiem lane u angel u la kren shisha ha u!”