LOUKAS 5:3 - Khasi CL Bible (BSI)

³ U Jisu u la kiew halor kawei na ki lieng — kaba long ka jong u Simon — bad u la kyrpad ïa u ban ñiat tang khyndiat na ka rud duriaw. U Jisu u la shong ha ka lieng bad u la hikai ïa u paidbah.

KA BAIBL

³ Te U la kiew ha kawei na kita ki lieng, kaba long ka jong u Simon, bad U la ong ïa u ban ñiat noh khyndiat na ryngkew. Haba U la shong, te U la hikai ïa kita ki paidbah nalor kata ka lieng.

LOUKAS 5:3 ပူးပေါင်းရင်းမြစ်များ

MATHAÏOS 4:18

Katba U Jisu u dang ïaid harud ka Duriaw Galilaïa, u la ïohi ïa ki ar ngut shi para kiba long ki nongtong dohkha, u Simon (ïa uba la khot u Petros) bad u para jong u, u Andriw, ba ki dang tong dohkha ha ka duriaw da ka jar.

MARKOS 3:10

U la lah pynkhiah ïa kiba bun ki briew, bad baroh kito kiba pang ki la ïai kyntur sha u khnang ba ïohktah ïa u.

MARKOS 3:9

U paidbah u la bun haduh katta katta ba U Jisu u la ong ïa ki synran jong u ban pynkhreh da ka lieng na ka bynta jong u, khnang ba ki briew kin ym tur kyrthep ïa u.

LOUKAS 5:2

U la ïohi ar tylli ki lieng ba la tan sharud duriaw; ki nongtong dohkha ki la ieh ïa ki bad ki la sait ïa ki jar.

ÏOANNIS 8:2

Dang step phyrngab ha ka sngi kaba bud u la leit phai sha ka Templ. Baroh ki briew ki la ïalum sawdong jong u, bad u la shong bad u la sdang ban hikai ïa ki.