LOUKAS 5:22 - Khasi CL Bible (BSI)

²² U Jisu u la tip ïa ki jingpyrkhat jong ki bad u la ong ha ki, “Balei phi pyrkhat kum ïa kita kiei kiei?

KA BAIBL

²² Hynrei, U Jisu ba U da tip biang ïa ki jingpyrkhat jong ki, U la ïathuh bad U la ong ha ki, “Phi ïapyrkhat aïu ha la ki dohnud?

LOUKAS 5:22 ပူးပေါင်းရင်းမြစ်များ

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

SALM 139:2

Me tip ïa kiei kiei baroh kiba nga leh; na jngai bah me sngewthuh ïa ki jingmut jong nga baroh.

PROBERB 15:26

U Trai u isih ïa ki jingpyrkhat kiba sniew, hynrei u sngewbha ha ki ktien kiba sngur jingmut.

ISAÏAH 66:18

Nga tip ïa ki jingpyrkhat bad ki kam jong ki, ngan wan ban lumlang ïa ki briew jong ki hima baroh. Haba kin ïawanlang, kin sa ïohi kaei ba ka bor jong nga ka lah ban leh bad kin sa tip ba nga dei uta uba pynshitom ïa ki.

ESEKIEL 38:10

Kane ka long kaei kaba U Trai Nongsynshar u ong ïa u Gog: “Haba kata ka por ka la poi, men sa sdang pyrkhat ïa ka buit sniew.

MATHAÏOS 12:15

Haba U Jisu u la ïohsngew shaphang ka jingïasylla pyrshah ïa u, u la leit noh na kata ka jaka, bad bun ki briew ki la bud ïa u. U la pynkhiah ïa kito baroh kiba pang

MATHAÏOS 12:25

U Jisu u la tip ïa kaei kaba ki pyrkhat, kumta u la ong ha ki, “Kano kano ka ri kaba phiah ïa lade ha ki kynhun kiba ïaleh kawei ïa kawei pat kan ym neh slem. Bad kano kano ka shnong lane ka longïing kaba phiah ïa lade ha ki kynhun kiba ïaleh kawei ïa kawei pat kan khyllem ha ka jingpra.

MATHAÏOS 9:4

U Jisu u la tip ïa kaei kaba ki pyrkhat, kumta u la ong, “Balei phi ïa-pyrkhat ïa kine kiei kiei kiba sniew?

MARKOS 8:17

U Jisu u la tip ïa kaei kaba ki dang ïakren, kumta u la kylli ïa ki, “Balei phi ïakren shaphang ka jingbymdon kpu? Hato phim pat tip lane sngewthuh? Hato ki jingmut jong phi ki dang dum?

LOUKAS 24:38

Hynrei, u la ong ha ki, “Balei ba phi ïasheptieng? Balei ba kine ki jingartatien ki wan ha ki jingpyrkhat jong phi?

LOUKAS 5:21

Ki nonghikai ka Hukum bad ki Pharisi ki la sdang ban ïakren para ma ki, “Uei une u briew uba kren kum kane ka jingkrenbeiñ Blei! U Blei u long tang ma u hi uba lah ban map ïa ki pop!”

LOUKAS 5:23

Hato ka kham suk ban ong, ‘La map ïa ki pop jong phi,’ lane ban ong, ‘to ïeng joit bad ïaid?’

KI KAM 5:3

U Petros u la ong ha u, “Ko Ananias, balei me la shah ïa u Soitan ban bat synshar ïa me bad pynlong ïa me ban lamler ïa U Mynsiem Bakhuid da kaba bat noh katto katne ka pisa kaba me la ïohpdiang na kaba die ïa ka jaka?

HEBRU 4:12

Ka ktien U Blei ka long kaba im bad kaba donbor, kaba kham nep ban ïa kano kano ka waitlam arliang syrti. Ka pei lyngba shaduh kaba ka jingim bad ka mynsiem ki ïakynduh, shaduh kaba ki mat bad ki khleiñ shyieng ki ïakynduh lang. Ka bishar ïa ki jingkwah bad ïa ki jingpyrkhat jong ka dohnud u briew.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.