LOUKAS 5:21 - Khasi CL Bible (BSI)

²¹ Ki nonghikai ka Hukum bad ki Pharisi ki la sdang ban ïakren para ma ki, “Uei une u briew uba kren kum kane ka jingkrenbeiñ Blei! U Blei u long tang ma u hi uba lah ban map ïa ki pop!”

KA BAIBL

²¹ Ki nongthoh bad ki Pharisi ki la ïasdang ban ïapyrkhat te, ki da ong, “Uei une uba kren ïa ki jingkrenbeiñ Blei? uei ba lah ban map noh ïa ki pop, hynrei, tang U Blei hi?”

LOUKAS 5:21 ပူးပေါင်းရင်းမြစ်များ

SALM 103:3

U map ïa ki pop jong nga baroh bad u pynkhiah ïa ki jingpang jong nga baroh.

SALM 130:4

Hynrei me map ei ïa ngi, khnang ba ngi dei ban tiengburom ïa me.

SALM 32:5

Te nga la phla ïa la ki pop ha me, ngam shym la buhrieh ïa la ki jingleh bymdei, nga la kut jingmut ban phla ïa ki ha me bad me la map ïa ki pop jong nga baroh.

SALM 35:5

Ai ba kin long kum u phlangïap ba rong ka lyer, katba u angel U Trai u nang beh kthong ïa ki!

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

ISAÏAH 43:25

Bad pynban, nga long U Blei uba map ïa ki pop jong phi, bad nga leh ïa kane namar uei ba nga long. Ngan ym bat ïa ki pop jong phi pyrshah ïa phi.

ISAÏAH 44:22

Nga la weng noh ïa ki pop jong phi kum ïa u lyoh. To wan phai pat sha nga; nga long uta uba la pynim ïa phi.”

DANIEL 9:19

A Trai, to sngew ïa ngi. A Trai, to map ïa ngi. A Trai, to shahshkor ïa ngi, bad to trei! Khnang ba uwei uwei baroh un tip ba me long U Blei, wat ym pynslem! Kane ka nongbah bad kine ki briew ki long ki jong me.”

DANIEL 9:9

Me long uba dap da ka jingisynei bad uba map, wat la ngi la ïeng ïaleh pyrshah ïa me.

LEBITIKOS 24:16

Uno uno u Israel lane u nongwei uba shong ha Israel uba krenbeiñ ïa U Trai un shah lynthem maw ha u paidbah haduh ba un da ïap.

MIKAH 7:19

Men long uba leh-isynei sa shisien pat. Men ïuh ha ki kjat ïa ki pop jong ngi bad ñiat ïa ki sha trai jong ka duriaw!

MATHAÏOS 26:65

Ha kane, u Rangbah Lyngdoh u la tar ïa la ki jaiñ bad u la ong, “Ka jingkrenbeiñ blei! Ngim donkam shuh bun ki sakhi! Phi la dang shu ïohsngew ïa ka jingkrenbeiñ blei jong u!

MATHAÏOS 9:3

Nangta katto katne ki nonghikai ka Hukum ki la ïa-ong para ma ki, “Une u briew u krenbeiñ Blei!”

LOUKAS 3:8

To leh ïa kita kiei kiei ki ban pyn-i ba phi la phai noh na ki pop jong phi. Bad wat sdang ban ong hapdeng jong phi hi ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ïa ki, ki khun ki ksiew jong u Abraham!

LOUKAS 5:17

Ha kawei ka sngi mynba U Jisu u dang hikai, katto katne ngut ki Pharisi bad ki nonghikai ka Hukum kiba la wan na kawei pa kawei ka shnong na Galilaïa bad Judia bad na Jerusalem; ki la ïashong hangta. Ka bor jong U Trai ka la don na ka bynta U Jisu ban pynkhiah ïa kiba pang.

LOUKAS 5:22

U Jisu u la tip ïa ki jingpyrkhat jong ki bad u la ong ha ki, “Balei phi pyrkhat kum ïa kita kiei kiei?

LOUKAS 7:49

Kiwei pat kiba ïashong bam ki la sdang ban ïakren para ma ki, “Uei une, uba map wat ïa ki pop?”

ÏOANNIS 10:33

Ki la jubab, “Ngim kwah ban lynthem maw ïa me namar kano kano na ki kam babha, hynrei namar ka jingkrenbeiñ Blei jong me! Me long tang u briew, hynrei me pyrshang ban pynlong Blei ïa lade!”

Ka Shithi U Paul Sha Ki Nong Rom 8:33

Uei u ban mudui ïa kiba la jied jong U Blei? U Blei hi da lade u la pynbna ba ki long khlem pop!