LOUKAS 5:17 - Khasi CL Bible (BSI)

¹⁷ Ha kawei ka sngi mynba U Jisu u dang hikai, katto katne ngut ki Pharisi bad ki nonghikai ka Hukum kiba la wan na kawei pa kawei ka shnong na Galilaïa bad Judia bad na Jerusalem; ki la ïashong hangta. Ka bor jong U Trai ka la don na ka bynta U Jisu ban pynkhiah ïa kiba pang.

KA BAIBL

¹⁷ Ka la jia te ha kawei ka sngi, katba U dang hikai, ba ki la shong hangta ki Pharisi bad ki nonghikai Ka Hukum, kiba la wan na ki shnong baroh jong ka Galilaïa, bad ka Judia, bad na Jerusalem: te ka bor U Trai ka la don bad U ïa ka ban pynkhiah.

LOUKAS 5:17 ပူးပေါင်းရင်းမြစ်များ

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 15:1

Nangta katto katne ki Pharisi bad ki nonghikai ka Hukum ki la wan sha U Jisu na Jerusalem bad ki la kylli ïa u,

MARKOS 1:45

Hynrei uta u briew u la leit bad u la sdang ban pynphriang ïa ka khubor kylleng. Ha ka jingshisha, u la ïathuh ha baroh haduh ba U Jisu um lah shuh ban rung shapoh shnong ha kaba paw paidbah. Hynrei, U la shong noh ha ki jaka kynjah, bad ki briew ki la ïawan sha u na kylleng.

MARKOS 16:18

lada ki shim ïa ki bseiñ lane dih kano kano ka bih, kin ym mynsaw; kin buh ïa la ki kti ha kiba pang, ki ban ïoh ka jingkhiah.”

MARKOS 3:22

Katto katne ki nonghikai ka Hukum kiba la wan na Jerusalem ki ïa-ong, “U don ïa u Beelsebul ha u! U dei u ksuid rangbah uba ai ïa u ka bor ban beh noh ïa ki.”

MARKOS 5:30

Mar kumta U Jisu u la tip ba ka bor ka la mihnoh na u, kumta u la phai sawdong sha u paidbah bad u la kylli, “Mano ba la ktah ïa ki jaiñkup jong nga?”

MARKOS 7:1

Katto katne ngut ki Pharisi bad ki nonghikai ka Hukum kiba la lah wan na Jerusalem ki la ïalum sawdong ïa U Jisu.

LOUKAS 15:2

ki Pharisi bad ki nonghikai ka Hukum ki la sdang ban khñium, “Une u briew u pdiang sngewbha ïa kiba shah kyntait bad u da ïabam lem bad ki!”

LOUKAS 2:46

Ha ka sngi kaba lai, ki la shem ïa u hapoh ka Templ, u da shong bad ki nonghikai jong ki Jiw, da kaba shahshkor ïa ki bad kylli jingkylli.

LOUKAS 5:21

Ki nonghikai ka Hukum bad ki Pharisi ki la sdang ban ïakren para ma ki, “Uei une u briew uba kren kum kane ka jingkrenbeiñ Blei! U Blei u long tang ma u hi uba lah ban map ïa ki pop!”

LOUKAS 5:30

Katto katne ngut ki Pharisi bad katto katne ngut ki nonghikai ka Hukum kiba dei ki jong ka kynhun jong ki, ki la khñium ha ki synran jong U Jisu. “Balei ba phi ïabam bad ïadih bad ki nonglum khajna bad kiwei pat kiba la shah kyntait?” Ki la kylli.

LOUKAS 6:19

Baroh ki briew ki la pyrshang ban ktah ïa u, naba ka bor ka la mih na u bad ka da pynkhiah ïa ki baroh.

LOUKAS 7:30

Hynrei ki Pharisi bad ki nonghikai ka Hukum ki la kyntait ïa ka jingthmu jong U Blei na ka bynta jong ki hi bad ki la kyntait ban shah pynbaptis ha u Ïoannis.

LOUKAS 8:46

Hynrei U Jisu u la ong, “Don mano mano ba la ktah ïa nga, naba nga tip ïa ka mynba ka bor ka la mihnoh na nga.”

ÏOANNIS 3:10

U Jisu u la jubab, “Me long u nonghikai uba khraw ha Israel, bad mem tip ïa kane?

ÏOANNIS 3:21

Hynrei uno uno uba leh ïa kaei kaba shisha u wan sha ka jingshai khnang ba ka jingshai kan pynpaw ïa kaei kaba u la leh ka long da kaba kohnguh ïa U Blei.

KI KAM 19:11

U Blei u la leh ki kambah kiba kham phylla lyngba u Paul.

KI KAM 4:30

To kner ïa la ka kti ban pynkhiah, bad ai ba ki kamphylla bad ki kambah yn leh ha ka kyrteng jong U Jisu u Shakri bakhuid jong me.”

KI KAM 5:34

Hynrei uwei na ki, u Pharisi uba kyrteng u Gamaliel, uba long u nonghikai ka Hukum bad ïa uba la burom shikatdei da ki briew baroh, u la ïeng ha ka Dorbar. U la hukum ban ïalam ïa ki apostol shipor shabar,