LOUKAS 5:13 - Khasi CL Bible (BSI)

¹³ U Jisu u la kner ïa la ka kti bad u la ktah ïa u. “Nga mon,” u la jubab. “To long khuid!” Mar kumta hi ka jingpang ka la iehnoh ïa uta u briew.

KA BAIBL

¹³ Haba U la kner te ïa la ka kti, U la ktah ïa u, U da ong, “Nga mon; to men long khuid.” Te kumne kumne ruh, kata ka pang 'thohlieh ka la jah noh na u.

LOUKAS 5:13 ပူးပေါင်းရင်းမြစ်များ

JENESIS 1:3

Nangta U Blei u la hukum, “To long ka jingshai” — bad ka jingshai ka la long.

JENESIS 1:9

Nangta U Blei u la hukum, “Ai ba ka um kaba hapoh ka sahit bneng kan lang shi jaka khnang ba ka ryngkew kan paw” — bad la pyndep ïa ka.

2 SYIEM 5:10

U Elisha u phah ïa u shakri ban ong ha u ban leit bad sait ïa lade hynñiew sien ha ka wah Jordan, bad un ïohkhiah phar na ka jingpang jong u.

2 SYIEM 5:14

Kumta u Naaman u leit hiar sha ka Jordan, u pynngam ïa lade hynñiew sien ha ka, kumba u Elisha u la bthah, bad u la ïohkhiah phar. Ka doh jong u ka la wandur bad khiah krat, kum ka jong u khunlung.

SALM 33:9

Haba u la kren, ïa ka pyrthei la pynlong; ha ka hukum jong u baroh ka la paw.

ESEKIEL 36:29

Ngan pyllait ïa phi na kata baroh kaba pyntngit ïa phi. Ngan hukum ïa u kew ba un bun kyrhai, khnang ba phin ym mad shuh ïa ki jingïapthngan.

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

MATHAÏOS 8:3

U Jisu u la kner ïa la ka kti bad u la ktah ïa u. “Nga mon,” u la jubab. “To men long khuid!” Shisyndon la pynkhiah ïa u briew na ka jingpang jong u.

LOUKAS 4:39

U la leit bad ïeng harud ka jingthiah jong ka bad u la hukum ïa ka jingpang shit ban mihnoh na ka. Ka jingpang shit ka la iehnoh ïa ka, bad ka la khie joit shisyndon bad ka la sdang ban shakri ïa ki.

LOUKAS 5:12

Shisien U Jisu u la don ha kawei ka shnong ha kaba la don u briew uba la pang 'ñiangthohlieh. Haba u la ïohi ïa U Jisu u la pyndem khrup ïa lade ha madan bad u la kyrpad ïa u, “Ko kynrad, lada me mon, me lah ban pynlong ïa nga uba khuid!”

LOUKAS 5:14

U Jisu u la hukum ïa u, “Wat ïathuh hano hano, hynrei khie leit beit sha u lyngdoh bad ai un peit bniah ïa me; nangta un pynshisha ha uwei uwei baroh ba me la koit. To ai ïa ka jingkñia kumba U Moses u la hukum.”