LOUKAS 4:23 - Khasi CL Bible (BSI)

²³ U la ong ha ki, “Nga thikna ba phin sot ïa kane ka proberb ha nga, ‘Ko nongpynkhiah, to pynkhiah ïa lade.’ Phin ong ruh ïa nga ban leh hangne ha la ka shnong ïa kijuh kiei kiei kiba phi la ïohsngew ïa kiba la leh ha Kapernam.

KA BAIBL

²³ U la ong te ha ki, “Khlem pep phin ong ha nga ïa kane ka pharshi, ‘Ko nongpynkhiah, to pynkhiah ïa lade: Ïa kaei kaei ruh ba ngi la ïohsngew ba la leh ha Kapernam, to leh hangne ruh ha la ka jong ka ri.’ ”

LOUKAS 4:23 ပူးပေါင်းရင်းမြစ်များ

MATHAÏOS 13:54

bad u la leit phai pat sha la ka shnong. U la hikai ha ka synagog, bad kito kiba ïohsngew ïa u ki la sngewlyngngoh. “Nangno u la ïoh kat kane ka jingstad?” ki la kylli. “Bad kumno shaphang ki kambah jong u?

MATHAÏOS 4:13

Um shym la shong la sah ha Nasareth, hynrei u la leit ban shong ban sah ha Kapernam, ka nongrit harud ka Duriaw Galilaïa ha ka thain jong ka Sebulun bad ka Naphtali.

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MARKOS 6:1

U Jisu u la mihnoh na kata ka jaka bad u la leit phai pat sha la shnong; ki synran ki bud ïa u.

LOUKAS 2:39

Haba U Joseph bad ka Mari ki la pyndep ïa kiei kiei baroh kiba la dawa da ka aiñ jong U Trai, ki la leit phai pat sha Nasareth, ka shnong jong ki kaba ha Galilaïa.

LOUKAS 2:51

Kumta U Jisu u la leit phai pat bad ki sha Nasareth, ha kaba u la kohnguh ïa ki. Ka kmie jong u ka la kynshew ïa kine kiei kiei baroh hapoh la ka dohnud.

LOUKAS 4:16

Nangta U Jisu u la leit sha Nasareth, ha kaba la pynheh pynsan ïa u, bad ha ka sngi Sabbaton u la leit sha ka synagog kumba ju long. U la ïeng ban pule ïa Ki Jingthoh Bakhuid,

LOUKAS 4:31

Nangta, U Jisu u la leit sha Kapernam, ka shnong ha Galilaïa, ha kaba u la hikai ïa u paidbah ha ka sngi Sabbaton.

LOUKAS 4:35

U Jisu u la hukum ïa u mynsiem, “Sngap jar bad mihnoh na une u briew!” U mynsiem bymkhuid u la bret ïa uta u briew sha madan ha khmat jong ki, bad u la mihnoh na u, khlem pynmynsaw ei ei ïa u.

LOUKAS 6:42

Kumno phi lah ban ong ha u para jong phi, ‘Ko para, sngewbha shah ïa nga ban sei ïa u thiat na ka khmat jong phi,’ pynban phim lah ban ïohi ïa ka lyngkhot dieng ha la ka jong ka khmat? Phi kiba arsap! Nyngkong to shim noh ïa ka lyngkhot dieng na ka khmat jong phi, bad nangta phin lah ban ïohi shai ban sei ïa u thiat na ka khmat jong u para jong phi.

ÏOANNIS 4:28

Nangta kata ka briew ka la iehnoh ïa la u khiew um, ka la leit phai sha shnong, bad ka la ong ïa ki briew hangta,

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.