LOUKAS 3:8 - Khasi CL Bible (BSI)

⁸ To leh ïa kita kiei kiei ki ban pyn-i ba phi la phai noh na ki pop jong phi. Bad wat sdang ban ong hapdeng jong phi hi ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ïa ki, ki khun ki ksiew jong u Abraham!

KA BAIBL

⁸ Naba kumta, to sei noh ïa ki soh kiba dei biang ïa ka jingkylla-ka-bamut, bad wat sdang ban ong ha lade, ‘Ngi don u Abraham uba long u kpa jong ngi’; naba nga ong ha phi, ba U Blei u lah na kine ki maw ban pynmih khun ïa u Abraham!

LOUKAS 3:8 ပူးပေါင်းရင်းမြစ်များ

NEHEMAÏAH 5:11

Map noh ïa ki ram kiba ki shah ïa phi — ka pisa, u kew, ka waiñ lane ka umphniang Olib. Pynphai noh shisyndon sha ki ïa ki pynthor, ki bri sohwaiñ, ki khlaw Olib bad ki ïing!”

ESEKIEL 33:24

“Ko khun u briew,” u la ong “Ki briew kiba shong ha ki nongbah ba la pynjot jong ka ri Israel ki ong: ‘U Abraham u long tang uwei u briew, bad u la ïoh ïa ka ri baroh kawei. Ngi ïadon bun ngut, kumta mynta ka ri ka dei ka jong ngi.’

MATHAÏOS 21:43

“Bad kumta nga ong ha phi,” U Jisu u la bynrap, “ïa ka Hima U Blei yn shim noh na phi bad yn ai ha ki briew ki ban pynmih ki soh kiba dei.”

MATHAÏOS 3:8

To leh ïa kito kiei kiei ki ban pyn-i ba phi la phai noh na ki pop jong phi.

MATHAÏOS 3:9

Bad wat leit pyrkhat ba phi lah ban lait na ka jingpynshitom da kaba ong ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ki khun ki ksiew na ka bynta u Abraham!

LOUKAS 13:25

U kynrad jong ka ïing un khie bad un khang ïa ka jingkhang; nangta haba phi ïeng shabar bad sdang ban tied ha ka jingkhang bad ong, ‘To plie ïa ka jingkhang na ka bynta jong ngi, ko kynrad!’ Un jubab ïa phi, ‘Ngam ithuh ïa phi nangno phi ïawan!’

LOUKAS 13:26

Nangta phi baroh phin jubab, ‘Ngi la ïabam bad ïadih bad me; me la hikai ha ka shnong jong ngi!’

LOUKAS 14:9

bad ba u nongpdiang ïa phi, uba la khot sngewbha ïa phi baroh ar ngut, un hap wan bad ong ha phi, ‘Ai noh ha u ïa kane ka jaka shong.’ Nangta phin sngewlehrain bad wan ban shong ha ka jaka ba hapoh eh.

LOUKAS 19:40

U Jisu u la jubab, “Nga ong ha phi ba lada ki sngap jar, ki maw hi kin sa sdang ban pyrta.”

LOUKAS 19:9

U Jisu u la ong ha u, “Mynta ka jingpynim ka la wan ha kane ka ïing, naba une u briew, ruh, u dei uba hiarpateng jong u Abraham.

LOUKAS 5:21

Ki nonghikai ka Hukum bad ki Pharisi ki la sdang ban ïakren para ma ki, “Uei une u briew uba kren kum kane ka jingkrenbeiñ Blei! U Blei u long tang ma u hi uba lah ban map ïa ki pop!”

ÏOANNIS 8:33

“Ngi dei kiba hiarpateng na u Abraham,” ki la jubab, “bad ngim pat ju la long ki mraw jongno jongno. Me mut aïu, te, da kaba ong, ‘Phin long kiba laitluid?’ ”

ÏOANNIS 8:39

Ki la jubab ïa u, “U kpa jong ngi u dei u Abraham.” “Lada shisha phi long ki khun jong u Abraham,” U Jisu u la phai ktien, “phin leh ïa kita kijuh kiba u la leh.

KI KAM 26:20

Nyngkong ha Damaskos bad ha Jerusalem bad nangta ha ka Judia baroh bad hapdeng ki Jentil, nga la ïalap ba ki dei ban kylla-kaba-mut na ki pop jong ki bad ban phai sha U Blei bad leh ïa kiei kiei ki ban pynpaw ba ki la kylla-kaba-mut.

Ka Shithi U Paul Sha Ki Nong Rom 4:16

Bad kumta ïa ka kular la pynshong nongrim ha ka jingngeit, khnang ba ïa ka jingngeit yn pynthikna kum ka jingai sngewbha jong U Blei ïa baroh kiba hiarpateng na u Abraham — ym tang ïa kito kiba ngeit ïa ka Hukum, hynrei ïa kito ruh kiba ngeit kumba u Abraham u la leh. Namar u Abraham u long u kpa ba kynja mynsiem jong ngi baroh;

Ka Shithi U Paul Sha Ki Nong Rom 9:7

Lymne kiba hiarpateng baroh na u Abraham ki long ki khun jong U Blei. U Blei u la ong ha u Abraham, “Ka long lyngba u Isaak ba men ïoh ïa kiba hiarpateng kiba nga la kular ïa me.”

PHILIPPI 1:11

Ïa ka jingim jong phi yn pyndap da ki jinglong babha shisha kiba tang U Jisu Khrist u lah ban pynmih, na ka bynta ka burom bad ka jingïaroh ïa U Blei.