LOUKAS 3:23 - Khasi CL Bible (BSI)

²³ Haba U Jisu u la sdang ïa la ka kam, u la dap kumba laiphew snem ka rta. U la long u khun, kumta ki briew ki la pyrkhat, jong u Joseph, uba long u khun jong u Heli,

KA BAIBL

²³ Te U Jisu hi haba u la sdang ban hikai, u la long kumba laiphew snem ka rta, uba long (kumba la tharai) u khun u Joseph, u khun u Heli,

LOUKAS 3:23 ပူးပေါင်းရင်းမြစ်များ

JENESIS 41:46

U Joseph u la dap laiphew snem ka rta mynba u sdang ban treikam na ka bynta u syiem Ijipt. U la iehnoh ïa ka ïingsyiem bad u leit kylleng ka ri Ijipt.

2 SAMUEL 5:4

U Dabid u la dap laiphew snem ka rta mynba u la long syiem, bad u la synshar sawphew snem.

JINGKHEIÑ 4:3

bad thoh kyrteng ïa ki rangbah baroh kiba hapdeng laiphew bad sanphew snem ka rta kiba bit ban shakri ha ka Ïingjaiñ ka Jingdon Ryngkat U Trai.

MATHAÏOS 1:1

Kane ka dei ka thup kyrteng jong ki kpa tymmen U Jisu Khrist, uba hiarpateng na u Dabid, uba long uba hiarpateng na u Abraham.

MATHAÏOS 13:55

Um dei une u khun jong u misteri? Hato ka Mari kam dei ka kmie jong u, bad hato u Jakob, u Josis, u Simon bad u Judah kim dei ki para shynrang jong u?

MATHAÏOS 4:17

Naduh kata ka por U Jisu u la sdang ban ïalap ïa ka khubor jong u: “To phai noh na ki pop jong phi, namar ka hima ki bneng ka la jan!”

MARKOS 6:3

Hato um dei uto u misteri, u khun jong ka Mari, bad u hynmen jong u Jakob, u Josis, u Judas bad u Simon? Hato ki para kynthei jong u kim shong kim sah hangne?” Bad kumta ki la kyntait noh ïa u.

LOUKAS 2:48

Ki kmie ki kpa jong u ki la kyndit haba ki la ïohi ïa u, bad ka kmie jong u ka la ong, “Ko khun jong nga, balei me la leh ïa kane ha ngi? U kpa jong me bad ma nga ngi la khuslai shikatdei eh ha kaba pyrshang ban wad ïa me.”

LOUKAS 3:31

u khun jong u Melea, u khun jong u Menna, u khun jong u Mattatha, u khun jong u Nathan, u khun jong u Dabid,

LOUKAS 4:22

Baroh ki la sngewhun ïa u bad ki la sngewphylla ha ki kyntien basngewtynnat kiba u la kren. Ki la ong, “Hato une um dei u khun jong u Joseph?”

ÏOANNIS 1:45

U Philip u la shem ïa u Nathanael bad u la ong ïa u, “Ngi la shem ïa uta ïa uba u Moses u la thoh ha ka kitab jong ka Hukum bad ïa uba ki nongïathuhlypa ruh ki la thoh shaphang jong u. U long U Jisu, u khun jong u Joseph, uba na Nasareth.”

ÏOANNIS 6:42

Kumta ki la ong, “Hato une u briew um dei U Jisu, u khun jong u Joseph? Ngi ithuh ïa u kpa bad ïa ka kmie jong u. Kumno te, ba u ong mynta ba u la wan hiar na bneng?”

KI KAM 1:1

Thiophilos badonburom: Ha ka kitab banyngkong jong nga, nga la thoh shaphang kiei kiei baroh kiba U Jisu u la leh bad hikai naduh ka por ba u la sdang ïa ka jingtrei jong u tad haduh ka sngi ha kaba la shim noh ïa u sha bneng.