LOUKAS 3:16 - Khasi CL Bible (BSI)

¹⁶ Kumta u Ïoannis u la ong ha ki baroh, “Nga pynbaptis ïa phi da ka um, hynrei don uwei pat uba wan uba kham khraw ban ïa nga. Ngam long uba bit wat ban loit ïa ki juti jong u. Un pynbaptis ïa phi da U Mynsiem Bakhuid bad da ka ding.

KA BAIBL

¹⁶ u Ïoannis u la ïathuh ha ki baroh, u da ong, “Nga shisha nga pynbaptis ïa phi da ka um; hynrei, un sa wan uba kham khraw ïa nga, uba kam dei ïa nga ban loit noh wat ïa ka jingteh ki juti jong u; uta keiñ un pynbaptis ïa phi da U Mynsiem Bakhuid bad da ka ding:

LOUKAS 3:16 ပူးပေါင်းရင်းမြစ်များ

PROBERB 1:23

Shahshkor haba nga mai tyngeh ïa phi; ngan ai ïa phi ïa ki jinghikai kiba bha bad ngan ïathuh lang ïa ka jingtip jong nga bad phi.

ISAÏAH 32:15

Hynrei sa shisien pat U Blei un phah ha ngi ïa U Mynsiem jong u. Ka jaka shrah kan sa kylla seisoh, bad ki lyngkha kin sa pynmih ki jingbam kyrhai.

ISAÏAH 4:4

Da la ka bor U Trai un bishar bad pynkhuid ïa ka jaitbynriew bad sait noh ïa ka jingpalat jong ka Jerusalem, bad ïa ka snam kaba la pynmih noh hangta.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

MATHAÏOS 3:11

Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u.

MATHAÏOS 3:12

U don la ka byrsha pynher stait ban shoh ïa u kew baroh. Un lumlang ïa u kew ha ka thiar jong u, hynrei un thang ïa u stait ha ka ding ka bym ju lip.”

ÏOANNIS 1:26

U Ïoannis u la jubab, “Nga pynbaptis da ka um, hynrei hapdeng jong phi don uwei uba ïeng uba phim ithuh.

ÏOANNIS 1:27

U wan hadien jong nga, hynrei nga ngam long uba bit wat ban law ïa ki ksai juti jong u.”

ÏOANNIS 1:33

Ngam pat shym la tip hi ba u dei ma u, hynrei U Blei, uba la phah ïa nga ban pynbaptis da ka um, u la ong ha nga, ‘Men sa ïohi ïa U Mynsiem ba u hiar bad u shongsah ha u briew; u dei uta, uba pynbaptis da U Mynsiem Bakhuid.’

ÏOANNIS 7:38

Kumba ka Jingthoh Bakhuid ka ong, ‘Ki wahduid ka um kaba ai jingim kin tuid noh na ka dohnud jong u.’ ”

KI KAM 1:5

U Ïoannis u la pynbaptis da ka um, hynrei ha ki khyndiat sngi yn sa pynbaptis ïa phi da U Mynsiem Bakhuid.”

KI KAM 10:44

Katba u Petros u dang kren, U Mynsiem Bakhuid u la wan hiar halor kita baroh kiba shahshkor ïa ka khubor jong u.

KI KAM 2:33

La kyntiew ïa u sha ka liang kamon jong U Blei, U Kpa jong u, bad u la ïohpdiang na u ïa U Mynsiem Bakhuid, kumba u la lah kular. Kaei kaba phi ïohi bad ïohsngew mynta ka long ka jingai sngewbha kaba u la theh noh ha ngi.

1 KORINTH 12:13

Ha kajuh ka rukom, baroh na ngi, la ngi long ki Jiw ne ki Jentil, ki mraw ne kiba laitluid, la pynbaptis ha kawei ka met da ujuh U Mynsiem, bad la ai ha ngi ïa ujuh U Mynsiem ban ïoh dih.