LOUKAS 3:11 - Khasi CL Bible (BSI)

¹¹ U la jubab, “Uta uba don ar tylli ki sopti, u dei ban ai kawei ha u briew u bym don, bad uno uno uba don jingbam u dei ban ïasam ïa ka.”

KA BAIBL

¹¹ U la ïathuh bad u la ong te ha ki, “Jar uba don ar tylli ki sopti un ïasam bad uta u bymdon; bad jar uba don ki jingbam, to un leh kumjuh.”

LOUKAS 3:11 ပူးပေါင်းရင်းမြစ်များ

ESEKIEL 18:7

Um ju shukor lane lute ïano ïano. U pynphai ïa kaei kaba u nongshim ram u buh bynda; u bsa ïa kiba thngan bad u ai jaiñ ïa kiba lyngkhuit.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

LOUKAS 11:41

Hynrei ai ïa kaei kaba hapoh ki khuri bad ki pliang jong phi ha kiba duk, bad kiei kiei baroh kin long kiba khuid kat kum ka jinglehniam na ka bynta jong phi.

LOUKAS 18:22

Haba U Jisu u la ïohsngew ïa kane, u la ong ha u, “Dang don sa kawei pat kaei kaei kaba me donkam ban leh. Die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta wan bad bud ïa nga.”

LOUKAS 19:8

U Sakhaïos u la ïeng joit bad u la ong ha U Trai, “To shahshkor, kynrad! ngan ai shiteng na ki jingdon jingem jong nga ha kiba duk, bad lada nga la shukor ïano ïano, ngan siew pat ïa u sa saw shah.”

ÏOANNIS 13:29

Namar ba u Judas u long uba bat ïa ka pla pisa, don na ki synran ki la pyrkhat ba U Jisu u la ong ïa u ban leit bad thied ïa kaei kaba ki donkam na ka bynta ka Jingkhawai Niam, lane ban ai ei ei ïa kiba duk.

KI KAM 10:2

U la long u briew uba riewblei; ma u lem bad ka longïing jong u baroh kawei ki la mane ïa U Blei. U la leh ruh shibun ban ïarap ïa ki Jiw kiba duk bad u ïai duwai ha U Blei.

KI KAM 10:31

‘Ko Kornelios! U Blei u la ïohsngew ïa ki jingduwai jong me bad u la kynmaw ïa ki kam leh-isynei jong me.

KI KAM 10:4

U la khmih shaiñ ïa u angel ha ka jingsheptieng bad u la ong, “Ka dei kaei, ko Kynrad?” U angel u la jubab, “U Blei u la sngewbha ïa ki jingduwai jong me bad ïa ki kam leh-isynei jong me, bad u kloi ban jubab ïa me.

EPHESOS 4:28

U briew uba ju tuh u dei ban sangeh noh ban tuh bad to un sdang ban treikam khnang ba un kamai ïa ka jingim hok na ka bynta ïa lade bad ba u lah ban ïarap ïa kiba kyrduh.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

1 TIMOTHI 6:18

To hukum ïa ki ba kin leh ïa kaba bha, ban man kyrhai ha ki kam babha, ban long kiba sbun bad kiba kloi ban ïasam bad kiwei.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.

JAKOB 2:14

Ko parabangeit jong nga, kan myntoi aïu ïa uba ong ba u don ka jingngeit lada da ki kam jong u, um pynshisha ïa kata? Hato kata ka jingngeit kan pynim ïa u?

1 ÏOANNIS 3:17

Lada u briew uba riewspah u ïohi ïa la u parabriew ha ka jingkyrduh, pynban, u khang khyrdep ïa la ka dohnud pyrshah ïa la u parabriew, kumno u lah ban kam ba u ieit ïa U Blei?

1 ÏOANNIS 4:20

Lada uno uno u ong ba u ieit ïa U Blei, hynrei u isih ïa la u parabriew, u long uba lamler. Naba um lah ban ieit ïa U Blei, ïa uba um shym ïohi, lada um ieit ïa la u parabriew ïa uba u ïohi.