LOUKAS 24:47 - Khasi CL Bible (BSI)

⁴⁷ bad ha ka kyrteng jong u ïa ka khubor shaphang ka Jingkylla-kaba-mut bad ka jingmap ïa ki pop dei ban ïalap sha ki jaitbynriew baroh, da kaba sdang na Jerusalem.

KA BAIBL

⁴⁷ bad ba ha ka kyrteng jong u yn ïalap ïa ka jingkylla-ka-bamut bad ïa kaba map ki pop hapdeng ki jaid bynriew baroh, da kaba sdang na Jerusalem:

LOUKAS 24:47 ပူးပေါင်းရင်းမြစ်များ

JENESIS 12:3

“Ngan kyrkhu ïa kito kiba kyrkhu ïa me, Hynrei ngan tim ïa kito kiba tim ïa me. Bad da me ngan kyrkhu ïa ki jaitbynriew baroh.”

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

SALM 67:7

U Blei u la kyrkhu ïa ngi; ai ba ki briew baroh hangno hangno kin pyndonburom ïa u.

SALM 86:9

Baroh ki jaitbynriew ba me la thaw kin wan bad dem ngon ha khmat jong me, kin ïaroh ïa ka jingkhraw jong me.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

ISAÏAH 49:22

U Trai Nongsynshar u ong ha la ki briew: “Ngan pyn-i dak sha ki jaitbynriew, bad kin wallam ïa ki khun jong pha sha ïing.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 5:4

Don kano kano kaba ngam shym la leh ïa ka? Te balei ka pynmih ki sohwaiñ kiba jew bad ym kiba bha kumba nga la khmih lynti?

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

ISAÏAH 52:15

Hynrei mynta bun ki hima kin sngewphylla ïa u, bad ki syiem kin ym lait kren namar ka jingsngew lyngngoh. Kin ïohi bad kin sngewthuh katto katne kaba kim pat ju tip mynno mynno.”

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

HOSIA 2:23

Ngan pynlong skhem ïa ki briew jong nga ha ka ri bad ngan pynmanbha ïa ki. Ngan pyn-i jingieit ïa kito kiba la ju khot “Lo-Ruhamah,” bad ïa kito kiba la ju khot “Lo-ammi” ngan sa ong, “Phi long ki briew jong nga,” bad kin jubab, “Me long U Blei jong ngi.”

MIKAH 4:2

bad ki briew jong ki, kin ong, “ïa ngin ïaleit sha u lum jong U Trai, sha ka Templ jong U Blei ki Israel. Naba un hikai ïa ngi ïa kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai U Trai ka wan na Jerusalem; na Seïon u kren ha la ki briew.”

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MATHAÏOS 28:19

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid,

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 9:13

Khie leit bad to wad kaei ka jingmut ha ka Jingthoh Bakhuid kaba ong: ‘Dei ïa ka jingsbun ba nga kwah, ym ki jingkñia ïa ki mrad.’ Ngam shym la wan ban khot ïa ki briew badonburom, hynrei ïa kiba la shah kyntait.”

LOUKAS 13:34

“A Jerusalem, Jerusalem! Pha pynïap ïa ki nongïathuhlypa, pha lynthem maw ïa ki nonglamktien kiba U Blei u la phah sha pha! Katno sien nga la kwah ban kdup ki briew jong pha, kumba ka syiar ka kdup ïa la ki khun hapoh ki thapniang jong ka, hynrei phan ym shah ïa nga!

KI KAM 10:43

Baroh ki nongïathuhlypa ki la kren shaphang jong u, da kaba ong ba uno uno uba ngeit ha u un ïoh ka jingmap ïa ki pop lyngba ka bor jong ka kyrteng jong u.”

KI KAM 11:18

Haba ki la ïohsngew ïa kane, ki la sangeh ïa ka jingwoh nia jong ki bad ki la ïaroh ïa U Blei, da kaba ong, “Te U Blei u la ai ruh ha ki Jentil ïa la lad ban kylla-kaba-mut bad ban lait im!”

KI KAM 13:46

Hynrei u Paul bad u Barnabas ki la nang kham kren shlur: “Ka long kaba donkam ba ïa ka ktien jong U Blei dei ban kren nyngkong ha phi. Hynrei namar ba phi kyntait ïa ka bad ba phim ñiew ïa lade kiba bit ïa ka jingim bymjukut, ngin iehnoh ïa phi bad leit sha ki Jentil.

KI KAM 2:38

U Petros u la ong ha ki, “Uwei pa uwei na phi u dei ban phai noh na ki pop jong u bad ba yn pynbaptis ha ka kyrteng jong U Jisu Khrist, khnang ba yn map ïa ki pop jong phi, bad phin ïohpdiang ïa U Mynsiem Bakhuid uba long ka jingai jong U Blei.

KI KAM 20:21

Ha ki Jiw bad ki Jentil kumjuh nga la ai ka jingmaham da ka jingsngewkhia ba ki dei ban phai sha U Blei na ki pop jong ki bad ban ngeit ha U Jisu uba U Trai jong ngi.

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

KI KAM 26:20

Nyngkong ha Damaskos bad ha Jerusalem bad nangta ha ka Judia baroh bad hapdeng ki Jentil, nga la ïalap ba ki dei ban kylla-kaba-mut na ki pop jong ki bad ban phai sha U Blei bad leh ïa kiei kiei ki ban pynpaw ba ki la kylla-kaba-mut.

KI KAM 28:28

Bad u Paul u la pynkut: “Phi dei ban tip, te, ba ïa ka khubor jong U Blei shaphang ka jingpynim la phah sha ki Jentil. Kin shahshkor!”

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

KI KAM 4:12

Ïa ka jingpynim dei ban shem tang lyngba jong u; ha ka pyrthei baroh ym don uno uno ïa uba U Blei u la ai uba lah ban pynim ïa ngi.”

KI KAM 5:31

U Blei u la kyntiew ïa u sha ka liang kamon jong u kum u Nongïalam bad u Nongpynim, ban ai ha ki paid Israel ka kabu ban kylla-kaba-mut bad ban ïoh ka jingmap ïa ki pop jong ki.

Ka Shithi U Paul Sha Ki Nong Rom 5:20

Ïa ka Hukum la pynmih khnang ban pynbun ïa ka jingleh bymdei; hynrei haba ka pop ka man bun, ka jingaiei U Blei ka nang kham khraw.

EPHESOS 1:6

To ngin ïaroh ïa U Blei namar ka jingaiei ba-dap da ka burom jong u, ïa ka jingai ei u la ai ha ngi ha U Khun uba ieit jong u!

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

1 ÏOANNIS 2:12

Nga thoh sha phi, ko ki khun jong nga, namar ïa ki pop jong phi la map na ka bynta U Khrist.