LOUKAS 24:46 - Khasi CL Bible (BSI)

⁴⁶ “Kane ka long kaei kaba la thoh: U Messaïah u dei ban shahshitom bad u dei ban mihpat na ka jingïap hadien lai sngi,

KA BAIBL

⁴⁶ U la ong ruh ha ki, “Kumne la thoh ba ka la dei ïa U Khrist ban shah, bad ban mihpat de na ki nongïap ha ka balai ka sngi;

LOUKAS 24:46 ပူးပေါင်းရင်းမြစ်များ

ISAÏAH 50:6

Nga pynshah da ka met sha kito kiba shoh ïa nga. Ngam shym pynsangeh ïa ki haba ki krenbeiñ ïa nga, haba ki patrong ïa ki shñiuh na u 'ñiuhtmoh jong nga bad bynthiew ha ka khmat jong nga.

MATHAÏOS 26:24

U Khun U Briew un ïap kumba ki Jingthoh Bakhuid ki ong ba un shah leh kumta, hynrei katno kaba shyrkhei kan long ïa uta u briew uba shetkylla ïa U Khun U Briew! Kan jin da kham bha ïa uta u briew lada ym shym la kha ïa u!”

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

LOUKAS 24:7

‘Ïa U Khun U Briew dei ban aiti ha ki briew kiba pop, ba yn sahnarphna, bad hadien lai sngi un mihpat.’ ”

ÏOANNIS 20:9

(Kim pat sngewthuh hi ïa ka Jingthoh Bakhuid kaba la ong ba u dei ban mihpat na ka jingïap.)

KI KAM 17:3

da kaba sot bad batai ïa ki Jingthoh Bakhuid bad pynshisha na ki ba U Messaïah u la dei ban shahshitom bad ban mihpat na ka jingïap. “Une U Jisu ïa uba nga pynbna ha phi, u dei U Messaïah,” u Paul u la ong.

KI KAM 4:12

Ïa ka jingpynim dei ban shem tang lyngba jong u; ha ka pyrthei baroh ym don uno uno ïa uba U Blei u la ai uba lah ban pynim ïa ngi.”

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.