LOUKAS 24:44 - Khasi CL Bible (BSI)

⁴⁴ Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

KA BAIBL

⁴⁴ U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

LOUKAS 24:44 ပူးပေါင်းရင်းမြစ်များ

JENESIS 14:18

Bad u Melkhisedek, uba long u syiem jong ka Salem bad uba long ruh u lyngdoh jong U Blei Bahakhlieh Tam Eh, u la wallam ïa u kpu bad ka waiñ ha u Abram,

JENESIS 22:18

Ki jaitbynriew baroh kin sa kyrpad ïa nga ban kyrkhu ïa ki kumba nga la kyrkhu ïa ki khun ki ksiew jong me — baroh namar ba me la kohnguh ïa ka hukum jong nga.”

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

SALM 118:22

U maw uba ki nongtei ki la kyntait kum u bymdondor u la jia long uba donkam eh na baroh.

ISAÏAH 28:16

Kane, mynta, ka dei kaei kaba U Trai Nongsynshar u ong: “Ngan buh ha Seïon ka nongrim kaba skhem bad bakhlaiñ. Ha ka ngan buh ïa u mawdong baskhem ha uba yn thoh ïa ki ktien, ‘Ka jingngeit kaba skhem ka long ruh kaba ïaishah.’

ISAÏAH 52:13

U Trai u ong, “U shakri jong nga un jop ha ka kam jong u; un ïoh ka burom bakhraw.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 33:14

U Trai u la ong, “Ka por kan poi haba ngan pyndep ïa ka kular kaba nga la pynlong bad ki paid Israel bad Judah.

ESEKIEL 17:22

Kane ka dei kaei kaba U Trai Nongsynshar u ong: “Ngan shim ïa ka kliar jong u dieng Kedar bajrong bad kdiah ïa i shylluit balung; ngan thung ïa i halor u lum bakynjang,

ESEKIEL 34:23

Ngan ai ha ki ïa u syiem uba kum u shakri jong nga u Dabid ba un long uwei u nongsharai jong ki, bad un sumar bha ïa ki.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

SEKHARAÏAH 14:4

Ha kata ka por un ïeng halor u lum Olib, ha ka phang mihngi jong ka Jerusalem. Te ïa u lum Olib yn sa kad arliang na mihngi sha sepngi da ka them kaba khraw. Shiteng jong u lumbah un kynriah shaphang shatei bad shiteng jong u shaphang shathie.

SEKHARAÏAH 6:12

Ïathuh ïa u ba U Trai Badonbor Baroh u ong, ‘U briew ïa uba la khot U Tnat un manbha ha kaba u don bad un tei ïa ka Templ jong U Trai.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

JINGKHEIÑ 21:8

Te U Trai u ong ïa u Moses ban shna u bseiñ rnong bad wah ïa u ha u dieng, kumta ba uno uno uba shah puh bseiñ u lah ban peit sha u bad un koit.

JINGKHEIÑ 35:25

Phi kit pop tang na ka bynta ka jingpynïap bad u paidbah u dei ban pyllait im ïa phi na u kur jong uba ïap, bad ki dei ban pynphai ïa phi sha ka shnong jakarieh sha kaba phi la phet rieh. Phi dei ban shong ban sah hangta haduh ba un da ïap uta u briew uba long Rangbah Lyngdoh ha kata ka por.

MATHAÏOS 1:22

Mynta kane baroh ka la jia khnang ban pynlong ïa kaei kaba U Trai u la kren lyngba ki nongïathuhlypa ban urlong shisha,

MATHAÏOS 16:21

Naduh kata ka por U Jisu u la sdang ban kren shai ha la ki synran, “Nga dei ban leit sha Jerusalem bad shahshitom shibun na ki tymmen ki san, ki rangbah lyngdoh bad ki nonghikai ka Hukum. Ïa nga yn pynïap, hynrei hadien lai sngi yn sa pynmihpat ïa nga.”

MATHAÏOS 26:54

Hynrei lada ka long kumta, da kumno ki Jingthoh Bakhuid kiba ong ba kane ka long kaei kaba dei ban jia, kin jia long shisha?”

MATHAÏOS 26:56

Hynrei kane baroh ka la lah jia khnang ban pynlong ïa kaei kaba ki nongïathuhlypa ki la thoh ha ki Jingthoh Bakhuid ban jia shisha.” Nangta baroh ki synran ki la iehnoh ïa u bad ki la ïaphet noh.

MARKOS 9:31

“Ïa U Khun U Briew yn sa ai noh ha ki briew ki ban pynïap ïa u. Pynban hadien lai sngi, un sa mihpat.”

LOUKAS 21:22

Naba kito kin long ‘Ki Sngi ka Jingpynshitom,’ ban pynlong ïa baroh kaba ki Jingthoh Bakhuid ki ong ban urlong shisha.

LOUKAS 22:37

Naba nga ong ha phi ba ka Jingthoh Bakhuid kaba ong, ‘U la ïoh bynta ïa ka kupar jong kiba leh kam runar,’ ka dei ban urlong shisha shaphang jong nga, namar kaei kaba la thoh shaphang jong nga ka wan jia shisha.”

LOUKAS 24:46

“Kane ka long kaei kaba la thoh: U Messaïah u dei ban shahshitom bad u dei ban mihpat na ka jingïap hadien lai sngi,

LOUKAS 9:22

U la ong ruh ha ki, “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un shah pynïap, hynrei hadien lai sngi yn sa pynmihpat ïa u.”

LOUKAS 9:44

“Wat klet ïa kaei kaba ngan ïathuh ha phi! Yn sa aiti noh ïa U Khun U Briew ha ka bor jong ki briew.”

ÏOANNIS 3:14

Kumba u Moses u la kyntiew ïa u 'seiñ rnong ha u dieng ha ka ri shyiap, ha kajuh ka rukom ka dei ïa U Khun U Briew ba yn kyntiew shajrong, ba uno uno uba ngeit ha u un ïoh ka jingim bymjukut.

ÏOANNIS 5:39

Phi pule ïa ki Jingthoh Bakhuid, namar phi pyrkhat ba ha ki phin shem ïa ka jingim bymjukut. Bad kine hi ki Jingthoh Bakhuid ki kren shaphang jong nga!

ÏOANNIS 5:46

Lada phi la ngeit da shisha ha u Moses, phin jin da la ngeit ha nga, namar u la thoh shaphang jong nga.

KI KAM 13:40

To sumar bha, te, ba kaei kaba ki nongïathuhlypa ki la ong kan ym jia ha phi:

KI KAM 2:27

namar men ym iehnoh ïa nga ha ka pyrthei kiba ïap; men ym shah ïa u shakri baïaineh jong me ban pyut hapoh ka jingtep.

KI KAM 3:18

U Blei u la pynbna naduh mynshuwa lyngba ki nongïathuhlypa baroh ba U Messaïah jong u, u dei ban shahshitom; bad u la pynlong ïa ka, ban jia shisha ha kane ka rukom.

KI KAM 7:37

U Moses u long uta uba la kren ha ki paid Israel, ‘U Blei un phah ha phi ïa u nongïathuhlypa, kumba u la phah ïa nga, bad un long uba napdeng ki briew jong phi.’

HEBRU 10:1

Ka Hukum ki Jiw kam dei ka nuksa ba-pura bad baïaineh jong kiei kiei kiba shisha; ka long tang ka nuksa batlot jong kita kiei kiei kiba bha ki ban sa wan. Ïa kijuh ki jait jingkñia la ju ainguh lynter, na kawei ka snem sha kawei pat ka snem. Kumno kata ka Hukum, te, da kaba leh ïa kine ki jingkñia kan lah ban pynjanai ïa ki briew kiba wan sha U Blei?

HEBRU 3:5

U Moses u long uba lah ban shaniah ha ka ïing U Blei kum u shakri, bad u kren ïa kiei kiei kiba U Blei un sa kren ha ki por ki ban sa wan.

HEBRU 7:1

Une u Melkhisedek u la long u syiem jong ka Salem bad u lyngdoh jong U Blei Bahakhlieh Tam Eh. Katba u Abraham u dang wan phai na ka thma ha kaba u la jop ïa ki saw ngut ki syiem, u Melkhisedek u la ïakynduh ïa u bad u la kyrkhu ïa u,

HEBRU 9:8

U Mynsiem Bakhuid u pyn-i shai na kine ki rukom pynbeit, ba ïa ka lynti sha ka Jaka kaba Kyntang Tam ym pat lah ban plie, katba kata ka Ïingjaiñ kaba ha khmat ka dang ïeng.

1 PETROS 1:11

Ki pyrshang ban shem lano ka por kan long bad kumno kan wan. Kane ka la long ka por sha kaba U Mynsiem U Khrist uba don ha ki u kdew, ha kaba ïathuhlypa ïa ki jingshah shitom kiba U Khrist un hap ban shah bad ïa ka burom ka ban sa bud.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.