LOUKAS 24:11 - Khasi CL Bible (BSI)

¹¹ Hynrei ki apostol ki la pyrkhat ba kaei kaba kita ki kynthei ki la ong ka long ka bym don jingmut, bad kim shym la ngeit ïa ki.

KA BAIBL

¹¹ Hynrei, kine ki ktien ki long ha ki kum ka jingkren kai; bad kim ngeit ïa ki.

LOUKAS 24:11 ပူးပေါင်းရင်းမြစ်များ

JENESIS 19:14

Nangta u Lot u la leit sha ki rangbah kiba la ïatehktien bad ki khun kynthei jong u, bad u ong, “To pynkloi bad mihnoh nangne; naba U Trai un sa pynjot thiaw ïa kane ka jaka.” Hynrei ki pyrkhat ba u shu kren biria.

2 SYIEM 7:2

U nongbud ba-hajan jong u syiem u la ong ha u Elisha, “Kata kam lah ban jia — em wat lada U Trai da lade hi un phah shisien phah ïa u kew!” U Elisha u jubab, “Men sa ïohi ïa kata ba ka jia, hynrei men ym ïoh bam na kata ka jingbam.”

Ka Kitab U Job 9:16

Pynban wat la katta, lada u shah ïa nga ban kren, Ngam lah ngeit ba un shahshkor ïa nga.

SALM 126:1

Mynba U Trai u la wan ïalam biang ïa ngi sha Jerusalem, A ka la long kum ka phohsniew!

MARKOS 16:13

Ki la wan phai bad ki la ïathuh ha kiwei pat, hynrei kim shym la ngeit ïa kata.

MARKOS 16:14

Khatduh eh, U Jisu u la mihpaw ha ki khatwei ngut ki synran katba ki dang ïabam. U la kren tyngeh ïa ki, namar kim shym la don jingngeit bad namar ka jingmutlop palat ïa ka ban ngeit ïa kito kiba la lah ïohi ïa u ba u im.

LOUKAS 24:25

Nangta U Jisu u la ong ha ki, “Katno kiba bieit phi long, katno phi long kiba suki ban ngeit ïa kaei kaei baroh kaba ki nongïathuhlypa ki la ong!

LOUKAS 24:41

Kim pat lah hi ban ngeit, ki la shlei da ka jingkmen bad ka jingphylla; kumta u la kylli ïa ki, “Phi don ei ei hangne ban bam?”

KI KAM 12:9

U Petros u la bud ïa u shabar jong ka byndi, khlem da tip, la kaei kaba u angel u la leh ka long kaba shisha; u la pyrkhat ba u la ïohi ka jingïohipaw.